Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Skrifstofustarf - Rafaela

Landspítali leitar að metnaðarfullum hjúkrunarfræðingi með áhuga á þróun, gæðastarfi og nýtingu gagna í hjúkrun. Um er að ræða fjölbreytt og ábyrgðarmikið starf sem felst í daglegum rekstri, viðhaldi og þróun Rafaela hjúkrunarþyngdarflokkunarkerfis, sem er lykilverkfæri við mat á hjúkrunarþyngd sjúklinga og álagi á deildum spítalans. Verkefnin eru margþætt og fela meðal annars í sér samskipti við stjórnendur, úrvinnslu gagna, kennslu og leiðbeiningar um notkun kerfisins og upplýsinga úr því, ásamt greiningu á tengslum hjúkrunar og útkomum sjúklinga.

Hér er einstakt tækifæri til að taka þátt í að efla faglega starfsemi hjúkrunar með gagnreyndri þekkingu. Um er að ræða 80-100% dagvinnustarf og er starfið laust nú þegar eða samkvæmt samkomulagi.

Helstu verkefni og ábyrgð

Daglegur rekstur og viðhald Rafaela hjúkrunarþyngdarflokkunarkerfis
Áframhaldandi innleiðing kerfisins á Landspítala
Þróun á notkun upplýsinga úr Rafaela dkerfinu við rekstur, stjórnun og rannsóknir
Hagnýting þekkingar til nýsköpunar í hjúkrun
Þróun árangurs- og gæðavísa í hjúkrun

Menntunar- og hæfniskröfur

Íslenskt hjúkrunarleyfi
Framhaldsmenntun sem nýtist í starfi
Þekking í tölfræði (og aðferðafræði) ásamt reynslu af rannsóknarvinnu
Reynsla af stjórnun í hjúkrun er kostur
Skipulögð vinnubrögð og sjálfstæði í starfi
Góð kunnátta í íslensku, ensku og einu Norðurlandamáli
Góð tölvukunnátta
Jákvætt viðmót og góð/framúrskarandi hæfni í samskiptum

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, teymisvinna

Tungumálahæfni: íslenska 4/5, enska 3/5, norðurlandamál 3/5

Staðsetning: Skaftahlíð, 105 Reykjavík

Nánari upplýsingar

Ólafur Guðbjörn Skúlason

Tölvupóstur: [email protected]

Auglýsing birt11. nóvember 2025

Umsóknarfrestur24. nóvember 2025

Tungumálahæfni