Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðingur í klínískri lyfjafræði

Lyfjaþjónusta Landspítala auglýsir eftir metnaðarfullum og framsýnum sérfræðingi í klínískri lyfjafræði til að starfa í öflugum faghópi. Starfið felur í sér þróun og umbætur í lyfjaþjónustu, þátttöku í klínísku starfi, faglegri þróun klínískrar lyfjafræði og þverfaglegri samvinnu.

Leitað er eftir einstaklingi með framúrskarandi leiðtoga- og samskiptahæfni, hæfni til að móta jákvætt starfsumhverfi og byggja upp sterka liðsheild. Viðkomandi þarf að búa yfir frumkvæði, eldmóði og hafa áhuga á að starfa með stjórnendum og starfsfólki við að stuðla að framþróun og umbótum í þjónustu sem styður við starfsemi Landspítala.

Lyfjaþjónusta heyrir undir svið klínískrar rannsókna- og stoðþjónustu á Landspítala og ber m.a. ábyrgð á öflun og varðveislu lyfja, lyfjablöndun, lyfjaskömmtun, hefur eftirlit með notkun lyfja á spítalanum og veitir ráðgjöf um lyfjatengd mál til starfsfólks og sjúklinga, ásamt því að taka á móti fjölda nema á hverju ári. Hjá lyfjaþjónustu Landspítala starfa um 100 einstaklingar í samhentri deild og fást þar við fjölbreytt og skemmtileg verkefni.

Um er að ræða fullt dagvinnustarf og er starfið laust 1. janúar 2026.

Helstu verkefni og ábyrgð

Vera leiðandi í innleiðingu á samræmdu verklagi þvert á deildir Landspítala og taka þátt í þróun og notkun árangursvísa í samvinnu við stjórnendur
Þátttaka í faglegri þróun klínískrar lyfjafræði á Landspítala
Gæða- og umbótastarf í samvinnu við gæðastjóra og stjórnendur
Þátttaka í klínískum störfum og í teymisvinnu
Kennsla, þjálfun, ráðgjöf og fræðsla
Önnur tilfallandi verkefni úthlutuð af stjórnanda

Menntunar- og hæfniskröfur

Meistara- eða doktorspróf í klínískri lyfjafræði eða sambærileg sérmenntun
Íslenskt starfsleyfi sem lyfjafræðingur og sem sérfræðingur í klínískri lyfjafræði samkvæmt reglugerð nr. 1090/2012
Reynsla á sviði klínískrar lyfjafræði innan sjúkrahúss
Geta til að samræma og staðla verklag í samstarfi við stjórnendur, samstarfsfólk og aðrar fagstéttir
Hæfni til að leiða þróun klínískrar lyfjafræði
Hæfni til að þróa, mæla og fylgjast með árangurs- og gæðavísum í klínískri lyfjaþjónustu
Geta og áhugi til að leiða umbótaverkefni sem stuðla að auknu lyfjaöryggi og betri árangri í lyfjameðferð allra sjúklinga
Þekking á gæðastjórnun og atvikaskráningu
Hæfni til að vinna samkvæmt lyfjastefnu Landspítala og taka þátt í mótun og framkvæmd hennar
Framúrskarandi samskiptahæfni í þverfaglegu teymisumhverfi.
Framúrskarandi hæfni í íslensku og ensku

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Lyfjafræðingafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Lyfjafræðingur, sérfræðingur í klínískri lyfjafræði, þróun, umbætur, teymisvinna

Tungumálahæfni: íslenska 5/5, enska 5/5

Staðsetning: Hringbraut, 101 Reykjavík

Nánari upplýsingar

Ingibjörg Sigurðardóttir

Tölvupóstur: [email protected]

Auglýsing birt7. nóvember 2025

Umsóknarfrestur26. nóvember 2025

Tungumálahæfni