Sérnámsstöður í lyflækningum, seinna stig til fullra sérfræðiréttinda
Lausar eru til umsóknar sérnámsstöður á seinna stigi sérnáms í lyflækningum. Um er að ræða 2 ára framhald af fyrra stigi eftir að MRCP gráðu hefur verið lokið og skilyrðum fyrra stigs mætt. Sérnámið var þróað að breskri fyrirmynd og fer fram skv. marklýsingu fyrir fullt 5 ára sérnám í lyflækningum. Seinna stigi lýkur með fullum sérfræðiréttindum og er í samræmi við reglugerð 856/2023. Sérnámið fer fram á Landspítala auk þess sem mögulegt er að taka hluta tímans á Sjúkrahúsinu á Akureyri.
Starfshlutfall er 100% eða samkvæmt samkomulagi. Upphafsdagur ráðningar er á bilinu janúar til mars 2027, eða samkvæmt samkomulagi við kennslustjóra sérgreinarinnar. Föstudaginn 26. febrúar 2027 er móttökudagur sérnáms.
Sjá kynningarmyndband.
Sjá nánari upplýsingar um sérnám á Landspítala og Sjúkrahúsinu á Akureyri.
- Vinna og nám á bráðadeildum, dag- og göngudeildum og legudeildum ásamt vaktþjónustu undir handleiðslu sérfræðilækna
- Þátttaka í ráðgjafaþjónustu undir handleiðslu sérfræðilækna
- Kennsla lækna í sérnámsgrunni, læknanema og annarra fagstétta heilbrigðisstarfsfólks
- Þátttaka í gæða- og vísindavinnu
- Sérnámslæknir ber sjálfur ábyrgð á fullri þátttöku í öllum þáttum sérnáms og skrásetningu þess í samræmi við marklýsingu og skráningarkerfi
- Framgangur milli námsára er ákvarðaður með árlegu framvindumati og er launasetning í samræmi við staðfesta framvindu
- Þátttaka í fræðslu og hermikennslu
- Hafa lokið fyrri hluta sérnáms í lyflækningum, MRCP gráðu
- Íslenskt lækningaleyfi
- Áhugi á að starfa við viðkomandi sérgrein
- Að lágmarki B2 tungumálafærni í íslensku, nema um annað hafi verið samið sérstaklega
- Fyrri starfsreynsla, reynsla af vísinda-, umbóta- og gæðastörfum æskileg
- Frumkvæði og sjálfstæð vinnubrögð
- Jákvæðni, sveigjanleiki og lipurð í samskiptum
- Áreiðanleiki, stundvísi og árangursmiðað viðhorf
Enska
Íslenska
