Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðinám í hjúkrun og ljósmóðurfræði

Landspítali auglýsir eftir metnaðarfullum hjúkrunarfræðingum og ljósmæðrum í launað sérfræðinám til undirbúnings veitingar sérfræðileyfis á klínísku sérsviði í hjúkrun og ljósmóðurfræði.

Tilgangur sérfræðináms er að efla og bæta klíníska færni og þekkingu verðandi sérfræðinga í hjúkrun og ljósmóðurfræði á viðkomandi sérsviði. Jafnframt að þeir fái þjálfun í gagnreyndum vinnubrögðum og reynslu í hlutverki sérfræðings undir leiðsögn sérfræðinga.

Sérfræðinámið er einstaklingsmiðað og stendur yfir í 9-18 mánuði, í 80-100% starfi. Hjúkrunarfræðingur/ljósmóðir í sérfræðinámi fær 20% af sínum vinnutíma, í samráði við yfirmann, til að vinna að markmiðum sínum í náminu.

Sérfræðinámið hefst í janúar næstkomandi, eða eftir samkomulagi.

Menntunar- og hæfniskröfur

Meistarapróf sem uppfyllir skilyrði reglugerða um hjúkrunarfræðinga nr.512/2013 með síðari breytingum og/eða um ljósmæður nr.1089/2012

Áhugi og metnaður til að þróa sérfræðiþekkingu á tilteknu sviði hjúkrunar- eða ljósmóðurfræði og vera í fararbroddi í umbótum sem byggja á gagnreyndri þekkingu

Mælst er til að hjúkrunarfræðingur/ ljósmóðir sé ekki í stöðu aðstoðardeildarstjóra á meðan á sérfræðinámi stendur

Íslenskt hjúkrunar-/ljósmóðurleyfi

Mjög góð íslenskukunnátta, bæði í ræðu og riti

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn þarf að fylgja:

Náms- og starfsferilskrá ásamt afriti af prófskírteinum
Starfsleyfi ef umsækjandi er ekki þegar í starfi á Landspítala
Kynningarbréf þar sem tilgreind eru persónuleg markmið með sérfræðináminu og lýsing á fyrirhugaðri sérhæfingu
Samþykki næsta yfirmanns fyrir umsókn

Fylgiskjöl skulu vera á pdf formi.

Framkvæmdastjóri hjúkrunar, kennslustjóri sérfræðináms og aðrir eftir atvikum taka viðtöl við umsækjendur. Forstöðuhjúkrunarfræðingur sviðs ræður í starfið í samráði við framkvæmdastjóra hjúkrunar og viðkomandi deildarstjóra.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Starfsmerkingar: Heilbrigðisþjónusta, hjúkrunarfræðingur, ljósmóðir, hjúkrun

Tungumálahæfni: Íslenska 5/5

Staðsetning: Skaftahlíð 24, 105 Reykjavík

Nánari upplýsingar

Ásdís Guðmundsdóttir

kennslustjóri sérfræðináms í hjúkrun og ljósmóðurfræði

Tölvupóstur: [email protected]

Sími: 695-6811

Auglýsing birt1. september 2026

Umsóknarfrestur1. október 2026

Tungumálahæfni

Íslenska

Nauðsyn

Framúrskarandi

Starfstegund

Starfsgreinar

Starfsmerkingar

Fleiri störf (29)