Aðstoðardeildarstjóri hjúkrunar á Laugarásinn meðferðargeðdeild

Laugarásinn leitar nú að áhugasömum hjúkrunarfræðingi í starf aðstoðardeildarstjóra. Deildin sinnir bæði legudeildar- og dagdeildarþjónustu og er kjörinn starfsvettvangur fyrir öflugan og metnaðarfullan hjúkrunarfræðing sem vill þróa þekkingu sína og starfsreynslu.

Laugarásinn er sérhæfð meðferðargeðdeild fyrir einstaklinga á aldrinum 18-35 ára sem hafa nýlega greinst með geðrofssjúkdóm. Um er að ræða fjölbreytt og krefjandi starf þar sem gefst tækifæri til að taka þátt í þróun þjónustu og starfsemi öflugrar einingar. Deildin sinnir um 100 einstaklingum hverju sinni. Áhersla er lögð á einstaklingsmiðaða þjónustu, virkt samstarf við aðstandendur og þverfaglega teymisvinnu.

Á Laugarásnum gefst tækifæri til að vinna með einstaklingum á mikilvægum tímamótum í lífi sínu og hafa áhrif á meðferð þeirra og bataferli. Starfsumhverfið einkennist af fagmennsku, góðum starfsanda og fjölbreyttum verkefnum. Mikil áhersla er lögð á starfsþróun og fær starfsfólk meðal annars þjálfun og handleiðslu í áhugahvetjandi samtalstækni og grunnþáttum hugrænnar atferlismeðferðar.

Aðstoðardeildarstjóri starfar náið með hjúkrunardeildarstjóra að skipulagningu hjúkrunar, þróun starfseminnar og innleiðingu nýjunga. Starfið felur einnig í sér þátttöku í verkefnum tengdum stjórnun, mannauði, þjónustu og gæðum.

Við leitum að hjúkrunarfræðingi sem hefur áhuga á stjórnun, faglegri þróun og umbótastarfi. Viðkomandi þarf að búa yfir góðri samskiptahæfni, frumkvæði og sveigjanleika og hafa áhuga á teymisvinnu og þróun þjónustunnar.

Starfshlutfall er 100% og er fyrst og fremst um dagvinnu að ræða. Bakvaktir tilheyra starfinu eftir sex mánaða reynslutíma. Vinnuvika starfsfólks í fullri dagvinnu er 36 stundir.

Starfið er laust frá 15. september 2026 eða eftir samkomulagi.

Áhugasamir eru hvattir til að hafa samband við Lilju Dögg, hjúkrunardeildarstjóra.