Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarnemar á 3. eða 4. ári með áhuga á geðhjúkrun - spennandi tækifæri á legudeild geðrofssjúkdóma

Ertu hjúkrunarnemi og hefur áhuga á geðhjúkrun?

Við leitum eftir áhugasömum hjúkrunarnemum sem eru að fara á þriðja eða fjórða ár í hjúkrunarfræði.

Legudeild geðrofssjúkdóma sinnir greiningu, meðferð og endurhæfingu fólks með geðrofssjúkdóma. Deildin er 16 rúma, 10 ætluð einstaklingum með bráð veikindi og 6 ætluð til endurhæfingar. Á deildinni er boðið upp á samtalsmeðferð, virkni, fræðslu, lyfjameðferð, ásamt því að mikil áhersla er lögð á fjölskylduhjúkrun. Markmið meðferðarvinnu er að auka lífsgæði og valdefla sjúklinga, draga úr hamlandi geðrofseinkennum og þjálfa upp bjargráð til að lifa með geðrofssjúkdóm.

Sérstök áhersla er lögð á starfsþróun, fagmennsku, þverfaglega samvinnu og góðan starfsanda. Boðið er upp á einstaklingsmiðaða og góða aðlögun í starfi. Starfshlutfall er samkvæmt samkomulagi og tekið er tillit til námsins við skipulag vakta.

Menntunar- og hæfniskröfur

Hjúkrunarnemi á 3.-4. ári

Færni í samskiptum, samviskusemi og umburðarlyndi

Jákvætt hugarfar og frumkvæði í starfi

Áhugi á að starfa í þverfaglegu teymi

Góð almenn tölvukunnátta

Góð íslensku- og enskukunnátta, bæði í mæltu og rituðu máli

Helstu verkefni og ábyrgð

Hlutverk og ábyrgð í samræmi við starfslýsingar hjúkrunarnema eftir lengd náms

Meta hjúkrunarþarfir og veita viðeigandi hjúkrunarmeðferð

Samskipti, stuðningur og fræðsla fyrir aðstandandendur

Virk þátttaka í þverfaglegu samstarfi

Starfshlutfall: 20-50%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 1000/2019, um auglýsingar á lausum störfum með síðari breytingum.

Íslenska 4/5, enska 3/5

Starfsmerkingar: Heilbrigðisþjónusta, Hjúkrunarnemi, hjúkrun, teymisvinna

Staðsetning: Hringbraut, 101 Reykjavík

Nánari upplýsingar

Guðfinna Betty Hilmarsdóttir

Tölvupóstur: [email protected]

Auglýsing birt20. ágúst 2026

Umsóknarfrestur31. ágúst 2026

Tungumálahæfni