Sérfræðilæknir á Erfða- og sameindalæknisfræðideild
Laust er til umsóknar starf sérfræðilæknis á Erfða- og sameindalæknisfræðideild (ESD) á rannsóknarsviði Landspítala.
Erfðalækningar eru vítt fag sem nær til allra sérgreina og erum við að leita að metnaðarfullum sérfræðilækni sem hefur áhuga á uppvinnslu, eftirliti og meðferð erfðasjúkdóma.
Á síðustu árum hafa orðið miklar framfarir í greiningu á erfðasjúkdómum og eru einstaklingar með greinda sjaldgæfa sjúkdóma ört vaxandi hópur. ESD sér um alla alhliða erfðaheilbrigðisþjónustu á Íslandi og rekur m.a. sérhæfðar, þverfaglegar göngudeildir/ teymi kringum vissa sjaldgæfa sjúkdóma. Þar fer fram greiningarvinna, eftirlit, erfðaráðgjöf og í sumum tilfellum sérhæfð meðferð. Á ESD er einnig önnur göngudeildarstarfsemi og deildin rekur sérhæfðar rannsóknarstofur sem sinna fjölbreyttum erfðarannsóknum, nýburaskimun, fósturskimun og nú fer fram innleiðing fósturvísagreiningar. Á ESD fer fram öflug kennsla, þjálfun og vísindarannsóknir í samvinnu við ýmsa aðila innan og utan spítalans og eru starfsmenn hvattir til að taka þátt í rannsóknarverkefnum.
Gert er ráð fyrir að einstaklingur hafi sérfræðigráðu sem nýtist þeim til að sinna skjólstæðingum með sjaldgæfa sjúkdóma.
Um dagvinnu er að ræða og er starfið laust nú þegar eða samkvæmt nánara samkomulagi.
Íslenska
Enska