Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingur á bráðalegudeild lyndisraskana

Bráðalegudeild lyndisraskana auglýsir laust til umsóknar starf hjúkrunarfræðings. Starfshlutfall og vinnufyrirkomulag er skv. samkomulagi og er starfið laust frá 1.október 2026 eða eftir nánara samkomulagi.

Við leitum eftir hjúkrunarfræðingi með framúrskarandi skipulagshæfni, færni í samskiptum, skapandi hugsun og einlægan áhuga á geðhjúkrun. Boðið er uppá einstaklingsmiðaða aðlögun undir leiðsögn reyndra fagaðila.

Bráðalegudeild lyndisraskana er 17 rúma og sinnir móttöku, greiningu og meðferð sjúklinga með alvarlegar og bráðar geðraskanir. Deildin sérhæfir sig m.a. í meðferð sjúklinga með átraskanir og í greiningu og meðferð á konum með alvarlegar geðraskanir og/ eða ef grunur leikur á tengslaröskun á meðgöngu og eftir fæðingu. Starfsemi deildarinnar er í stöðugri þróun og umbótastarf er mikið. Á deildinni er góður starfsandi, frábært samstarfsfólk og boðið er upp á tækifæri til að þróa faglega sérþekkingu og hæfni í geðhjúkrun.

Landspítali styður nýútskrifaða hjúkrunarfræðinga í starfi með markvissri handleiðslu og fræðslu, samhliða starfi í formi starfsþróunarárs hjúkrunarfræðinga.

Helstu verkefni og ábyrgð

Starfar í fjölfaglegum teymum við umönnun og meðferð einstaklinga með bráð geðræn einkenni
Ber ábyrgð á meðferð og öryggisþáttum, samkvæmt starfslýsingu
Skipuleggur og forgangsraðar störfum sínum með tilliti til þarfa sjúklinga
Hvetur, leiðbeinir og veitir víðtækan stuðning við nema og ófaglært starfsfólk
Tekur þátt í umbótastarfi og þróun þjónustunnar
Stuðlar að góðum samstarfsanda

Menntunar- og hæfniskröfur

Íslenskt hjúkrunarleyfi
Reynsla af geðhjúkrun er kostur
Reynsla af stuðningi við mæður með ungabörn er kostur
Reynsla af meðferðarstarfi vegna átröskunar er kostur
Faglegur metnaður og ábyrgð í starfi
Jákvæðni, þolinmæði og sveigjanleiki
Mjög mikil samskiptahæfni
Íslenskukunnátta áskilin

Starfshlutfall: 60-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 1000/2019, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarfræðingur, hjúkrun, teymisvinna

Tungumál íslenska 4/5

Staðsetning: Hringbraut, 101 Reykjavík

Nánari upplýsingar

Guðrún Edda Hauksdóttir

Tölvupóstur: [email protected]

Auglýsing birt20. ágúst 2026

Umsóknarfrestur31. ágúst 2026

Tungumálahæfni

Íslenska

Nauðsyn

Mjög góð

Staðsetning

Hringbraut Landspítali , 101 Reykjavík

Starfstegund

Starfsgreinar

Starfsmerkingar

Fleiri störf (34)

Aðstoðardeildarstjóri hjúkrunar á sérhæfðri endurhæfingardeild aldraðra