Laus störf Hæfnileit Vinnustaðir Námskeið

STOÐ

STOÐ er sérhæft þekkingar- og þjónustufyrirtæki á sviði heilbrigðis og rannsókna. Fyrirtækið veitir heildstæðar lausnir sem styðja fagfólk, styrkja heilbrigðiskerfið, efla rannsóknir og bæta lífsgæði einstaklinga. Þannig erum við mikilvæg stoð einstaklinga, heilbrigðisþjónustu og rannsókna. Stoð sameinaðist systurfélagi sínu MEDOR í mars 2026 undir nafninu STOÐ og byggir starfsemin á sterkum grunni þekkingar, reynslu og sérhæfingar. Fyrirtækið sameinar annars vegar áratugalanga reynslu í stoðtækjasmíði, ráðgjöf og lausnum sem styðja fólk í daglegum athöfnum og hins vegar djúpa sérþekkingu í sölu, ráðgjöf og þjónustu á hágæða lækningatækjum og hjúkrunar- og rannsóknarvörum. Vöru- og þjónustuframboð STOÐAR spannar allt frá háþróuðum tækjum og rekstrarvörum fyrir heilbrigðisstofnanir til lausna fyrir einstaklinga, svo sem stoðtækja, hjálpartækja og hjúkrunarvara. STOÐ byggir starfsemi sína á gildum um hreinskiptni, framsækni og áreiðanleika og leggur áherslu á langtímasamstarf og lausnir sem skapa raunverulegt virði.

Vinnustaðurinn

Deildarstjóri innkaupa og birgðastýringar

Viltu móta nýja starfseiningu sem tryggir rétt vöruflæði, hagkvæm innkaup og öruggt vöruframboð?

STOÐ leitar að öflugum og lausnamiðuðum stjórnanda með mannaforráð til að leiða nýja deild sem ber ábyrgð á innkaupum, aðfangastjórnun og vöruhúsi.

Starfið hentar einstaklingi sem hefur sterka rekstrarhugsun, góða greiningarhæfni og ánægju af því að vinna bæði með fólki, ferla og tölur. Við leitum að leiðtoga sem getur byggt upp skýra verkferla, þróað teymi, unnið náið með birgjum og innri hagaðilum og stuðlað að betri nýtingu birgða og skilvirkari rekstri.

Helstu verkefni og ábyrgð

Leiða og byggja upp nýja STOÐ-einingu með ábyrgð á innkaupum, vöruhúsi og aðfangastjórnun
Ábyrgð á innkaupaferlum, birgðastýringu, endurpöntunum, móttöku, vörumeðhöndlun, geymslu og afhendingu
Taka þátt í samningaviðræðum, birgjavali, kostnaðareftirliti og umbótum í innkaupum
Greina gögn og setja fram reglubundna yfirsýn yfir stöðu birgða, vöruflæði, framboð, kostnað og lykilmælikvarða
Vinna náið með viðskiptastjórum til að tryggja að innkaup, birgðastýring og vöruhús styðji við sölu, þjónustu og þarfir viðskiptavina

Við leitum að einstaklingi sem hefur

Reynslu af innkaupum, birgðastýringu, vöruhúsarekstri, flutningum eða sambærilegu starfi
Viðskiptalegt innsæi og skilning á tengslum birgða, þjónustustigs, kostnaðar og framlegðar
Góða greiningarhæfni og mjög góð tök á tölulegum upplýsingum
Skipulögð, öguð og lausnamiðuð vinnubrögð
Hæfni til að forgangsraða, taka ákvarðanir og fylgja málum eftir
Reynslu af stjórnun og uppbyggingu teyma er kostur
Sterka samskiptahæfni og getu til að vinna með ólíkum hópum innan og utan fyrirtækisins
Reynslu af birgjasamskiptum, samningum eða kostnaðargreiningu er kostur
Menntun sem nýtist í starfi, t.d. verkfræði, viðskiptafræði eða sambærilega menntun. Við metum þó reynslu, hæfni og viðhorf ekki síður en formlega menntun.

Umsóknarfrestur er til og með 13. september. Umsóknum skal fylgja starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið.

Nánari upplýsingar veita Sigtryggur Hilmarsson, framkvæmdarstjóri, [email protected] og Birkir Svan Ólafsson, mannauðsstjóri, [email protected]

Stoð og MEDOR sameinuðust í mars 2026 undir nafninu STOÐ. Sameinað fyrirtæki er leiðandi í ráðgjöf, sölu og þjónustu á lækninga-, hjúkrunar- og rannsóknarvörum og þjónustar m.a. sjúkrahús, heilbrigðisstofnanir, apótek og rannsóknastofur í líftækni, efnagreiningu og í lyfjaiðnað.

Auglýsing birt28. ágúst 2026

Umsóknarfrestur13. september 2026

Tungumálahæfni