Hjúkrunarfræðingur á göngudeild skurðlækninga Fossvogi
Laust er til umsóknar staða hjúkrunarfræðings göngudeild skurðlækninga í Fossvogi.
Starfið sem um ræðir er tvískipt. Annars vegar fellur það undir hluta göngudeildar háls, nef- og eyrnalækninga og hins vegar undir innskriftarmiðstöð þar sem fræðsla og undirbúningur sjúklinga fyrir aðgerð fer fram.
Deildin er göngudeild háls-, nef-, og eyrnalækninga, lýtalækninga, æðaskurðlækninga og heila- og taugaskurðlækninga. Hér er einnig starfrækt innskriftarmiðstöð skurðdeilda, sáramiðstöð Landspítala og sérhæfðar hjúkrunarmóttökur.
Á deildinni starfar samheldinn hópur að fjölbreyttum og áhugaverðum verkefnum. Starfsandinn á deildinni er mjög góður og við tökum vel á móti nýju starfsfólki.
Hér er tækifæri fyrir hjúkrunarfræðing með faglega sýn og metnað sem hefur áhuga á að vinna í teymi en einnig sjálfstætt og af frumkvæði.
Starfshlutfall og upphaf starfa er samkomulag. Starfstíminn er dagvinna.
Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.
Íslenska
