Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Innköllunarstjóri - Dagdeild BH

Langar þig að starfa við mikilvægt og gefandi starf þar sem skipulag, fagmennska og samskipti skipta sköpum fyrir upplifun barna og fjölskyldna þeirra?

Við leitum að metnaðarfullum og jákvæðum hjúkrunarfræðingi til starfa sem innköllunarstjóri á dagdeild Barnaspítala Hringsins. Um er að ræða fjölbreytt starf þar sem þú gegnir mikilvægu hlutverki í undirbúningi barna og fjölskyldna þeirra fyrir aðgerðir og rannsóknir, í nánu samstarfi við lækna og annað heilbrigðisstarfsfólk.

Starfið er laust frá 1. desember 2026 eða eftir samkomulagi og er starfshlutfall 60-80%.

Á Barnaspítala Hringsins starfar öflugt og samheldið teymi sem hefur það að markmiði að veita börnum og fjölskyldum þeirra framúrskarandi þjónustu í öruggu og hlýlegu umhverfi. Við erum leiðandi í sérhæfðri heilbrigðisþjónustu fyrir börn og unglinga á Íslandi. Hér gefst tækifæri til að starfa með framúrskarandi fagfólki í krefjandi, skemmtilegu og þroskandi starfsumhverfi þar sem velferð barna og fjölskyldna þeirra er ávallt í forgangi.

Vinnuvika starfsfólks í fullri dagvinnu er 36 stundir sem styður við betra jafnvægi milli vinnu og einkalífs.

Menntunar- og hæfniskröfur

Íslenskt hjúkrunarleyfi

Áhugi á barnahjúkrun, reynsla á því sviði er kostur

Faglegur metnaður og sjálfstæði í starfi

Skipulagshæfni og lausnamiðuð hugsun

Góð samskiptahæfni og þjónustulund

Hæfni og geta til að starfa í þverfaglegu teymi

Áhugi á gæðastarfi og þróun þjónustu

Góð tölvukunnátta, þekking á kerfum Landspítala er kostur

Góð íslensku- og enskukunnátta

Hreint sakavottorð

Helstu verkefni og ábyrgð

Umsjón með innköllun og undirbúningi sjúklinga fyrir aðgerðir og inngrip

Skipulagning og samræming aðgerðadagskrár í samstarfi við fagfólk deildarinnar

Yfirumsjón með biðlistum og eftirfylgni með ferli sjúklinga

Þátttaka í gæðastarfi og þróun fræðsluefnis fyrir sjúklinga og aðstandendur

Önnur verkefni sem tengjast starfsemi dagdeildar

Starfshlutfall: 60-80%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Ákvörðun um ráðningu byggist á innsendum gögnum og viðtölum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Umsækjendur skulu framvísa nýju sakavottorði áður en til ráðningar getur komið, sbr. meginreglur laga um barnavernd sem m.a. koma fram í 2. mgr. 36. gr. laga nr. 80/2002.

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 1000/2019, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, hjúkrun

Tungumálahæfni: íslenska 4/5, enska 4/5

Nánari upplýsingar

Jóhanna Lilja Hjörleifsdóttir

Tölvupóstur: [email protected]

Sími: 543-1000

Auglýsing birt31. ágúst 2026

Umsóknarfrestur10. september 2026

Tungumálahæfni

Enska

Nauðsyn

Mjög góð

Íslenska

Nauðsyn

Mjög góð

Starfstegund

Starfsgreinar

Starfsmerkingar

Fleiri störf (50)