Skaðaminnkandi verkefni Rauða krossins - 50-70% starf í Ylju

Auglýst er eftir starfsfólki í 50-70% starf í skaðaminnkandi verkefni Rauða krossins - neyslurýmið Ylju.

Viltu vinna mikilvægt og gefandi starf sem hefur bein áhrif á líf fólks í viðkvæmri stöðu?
Rauði krossinn á höfuðborgarsvæðinu leitar að hjúkrunarfræðingum, sjúkraliðum, læknum/læknanemum, bráðatæknum, félagsráðgjöfum, sálfræðingum eða fólki með annan félagsfræðilegan bakgrunn, reynslu og þekkingu sem getur komið að gagni í hlutastarf í skaðaminnkunarverkefni félagsins, neyslurýmið Ylju.

Þetta er einstakt tækifæri fyrir rétta einstaklinga sem hafa áhuga á skaðaminnkun, mannréttindum og notendamiðaðri heilbrigðisþjónustu.

Hvað er Ylja?

✔️ Ylja er fyrsta neyslurýmið á Íslandi – skaðaminnkandi úrræði fyrir einstaklinga sem nota vímuefni í æð.
✔️ Markmið verkefnisins er að auka lífsgæði og bæta heilsufar þeirra sem nota reglubundið vímuefni í æð.
✔️ Neyslurými eru lagalega vernduð umhverfi þar sem notendur 18 ára og eldri geta neytt ávana- og fíkniefna undir eftirliti sérhæfðs starfsfólks, með fyllstu hreinlætis-, öryggis- og sýkingavörnum.
✔️ Þessi úrræði eru starfrækt víða um heim og hafa sýnt fram á mikinn samfélagslegan ávinning bæði fyrir einstaklingana sjálfa og samfélagið í heild.

Helstu verkefni og ábyrgð:

• Standa vaktina í neyslurými ásamt öðru starfsfólki
• Veita fræðslu, stuðning og ráðgjöf til einstaklinga í jaðarstöðu
• Önnur tilfallandi verkefni tengd skaðaminnkun

Hæfniskröfur og eiginleikar sem við leitum að:

• Starfsmaður með menntun og/eða reynslu sem nýtist í starfi, heilbrigðismenntun kostur
• Góð þekking á hugmyndafræði skaðaminnkunar
• Góð samskiptahæfni
• Reynsla í vettvangsstarfi
• Þekking á málefnum og starfi Rauða krossins
• Hæfni til að vinna í notendamiðaðri heilbrigðisþjónustu
• Mjög góð íslensku- og enskukunnátta, önnur tungumálakunnátta er kostur

📅 Umsóknarfrestur: Umsóknir eru yfirfarnar jafnóðum – viðkomandi þarf að geta hafið störf sem fyrst

Við hvetjum fólk af öllum kynjum til að sækja um.
Aðeins er tekið á móti umsóknum í gegnum Alfreð – við förum yfir umsóknir jafnóðum og þær berast.

📩 Nánari upplýsingar:
Dóra Björt Guðjónsdóttir, deildarstjóri höfuðborgardeildar Rauða krossins
✉️ dorabjort@redcross.is