Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérnámsstaða í ofnæmis- og ónæmislækningum

Laus er til umsóknar sérnámsstaða í ofnæmis-og ónæmislækningum. Um er að ræða fullt sérnám að lokinni MRCP gráðu í lyflækningum eða sem undirsérgrein lyflækninga eftir full sérfræðiréttindi í lyflækningum.

Sérnámið er byggt á íslenskri marklýsingu, sem unnin er út frá grunni marklýsingar UEMS, og vottað af mats- og hæfisnefnd Heilbrigðisráðuneytisins í samræmi við reglugerð 856/2023. Sérnámið er í heild þrjú ár, það fer fram á Landspítala fyrstu tvö árin en síðan er gert ráð fyrir að viðkomandi læknir fari erlendis og ljúki tólf mánaða þjálfun. Sérnám í ofnæmis- og ónæmislækningum fer fram á Landspítala auk þess sem erlenda námsvist þarf til að ljúka fullgildu námi.

Starfshlutfall er 100% eða samkvæmt samkomulagi. Upphafsdagur ráðningar er á bilinu janúar til mars 2027, eða samkvæmt samkomulagi við kennslustjóra sérgreinarinnar. Föstudaginn 26. febrúar 2027 er móttökudagur sérnáms.

Sjá nánari og .

Menntunar- og hæfniskröfur

Íslenskt sérfræðilleyfi í lyflækningum eða MRCP gráðu í lyflækningum

Áhugi á að starfa við viðkomandi sérgrein

Að lágmarki B2 tungumálafærni í íslensku, nema um annað hafi verið samið sérstaklega

Fyrri starfsreynsla, reynsla af vísinda-, umbóta- og gæðastörfum æskileg

Frumkvæði og sjálfstæð vinnubrögð

Jákvæðni, sveigjanleiki og lipurð í samskiptum

Áreiðanleiki, stundvísi og árangursmiðað viðhorf

Helstu verkefni og ábyrgð

Vinna og nám á göngudeildum og legudeildum ásamt vaktþjónustu almennra lyflækninga og undirsérgreinar skv. marklýsingu

Þátttaka í ráðgjafaþjónustu undir handleiðslu sérfræðilækna

Kennsla lækna í sérnámi, sérnámsgrunni, læknanema og annarra fagstétta heilbrigðisstarfsfólks

Þátttaka í gæða- og vísindavinnu

Sérnámslæknir ber sjálfur ábyrgð á fullri þátttöku í öllum þáttum sérnáms og skrásetningu þess í samræmi við marklýsingu og skráningarkerfi

Framgangur milli námsára er ákvarðaður með árlegu framvindumati

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Umsækjendum er bent sérstaklega á að kynna sér marklýsingu sérnáms og reglugerð 856/2023.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf
Mögulega umsagnaraðila

Vottað afrit af prófskírteinum og starfsleyfum

Nauðsynleg fylgiskjöl:

Starfsferilskrá
Kynningarbréf með persónulegum markmiðum umsækjenda varðandi starfið auk rökstuðnings fyrir hæfni.
Vottað afrit af prófskírteinum og starfsleyfum.
Tilgreind reynsla af kennslu, vísindavinnu og stjórnunarstörfum ásamt yfirliti yfir birtar vísindagreinar (eða í ritrýni) sem umsækjandi er höfundur að.

Val á umsækjanda byggist á heildstæðu mati á menntun, reynslu og hæfni, með hliðsjón af innsendum gögnum, viðtölum og eftir atvikum mat á hæfni við úrlausn tilfella. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali áskilur sér rétt til að falla frá áformum um ráðningu eða ráða fleiri en einn á grundvelli auglýsingar þessarar.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, sérfræðilæknir, sérnámslæknir, læknir með lækningaleyfi

Tungumálahæfni: Íslenska 3,5, enska 3/5

Staðsetning: Skaftahlíð 24, 105 Reykjavík

Nánari upplýsingar

Sigurveig Þ Sigurðardóttir

Tölvupóstur: [email protected]

Margrét Dís Óskarsdóttir

Tölvupóstur: [email protected]

Auglýsing birt7. september 2026

Umsóknarfrestur28. september 2026

Tungumálahæfni

Enska

Nauðsyn

Meðalhæfni

Starfstegund

Starfsgreinar

Starfsmerkingar

Fleiri störf (50)