Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarnemar - Lærdómsrík og spennandi hlutastörf með námi á bráðamatsdeild F2 Fossvogi

Við sækjumst eftir hjúkrunarnemum á öllum stigum náms til að starfa með okkur á nýrri bráðamatsdeild F2 í Fossvogi. Um er að ræða einstakt tækifæri á lærdómsríku hlutastarfi með námi á nýrri og spennandi deild þar sem mikil tækifæri eru á að efla klíníska færni í mati og meðferð bráðveikra sjúklinga.

Bráðamatsdeildin mun sinna fjölbreyttum hópi sjúklinga með bráð veikindi sem þurfa umfangsmeira mat og meðferð en unnt er að veita á bráðamóttöku. Markmið deildarinnar er að greina og hefja meðferð snemma, tryggja aðkomu reynds fagfólks með öflugri þverfaglegri teymisvinnu þar sem áherslan er á að koma sjúklingum hratt í viðeigandi úrræði innan eða utan spítalans. Deildin er opin allan sólarhringinn.

Unnið er í vaktavinnu og er starfshlutfall og vinnufyrirkomulag samkomulag. Tekið er tillit til námsins við skipulag vakta.

Áhugasömum er bent á að hafa samband við Sigríði, deildarstjóra.

Menntunar- og hæfniskröfur

Hjúkrunarnemi á öllum stigum náms

Jákvætt viðhorf, frumkvæði og samskiptahæfni

Faglegur metnaður og áhugi á að öðlast færni í hjúkrun sjúklinga með taugasjúkdóma og annarra sem á deildinni dvelja

Hæfni og geta til að vinna í teymi

Íslenskukunnátta áskilin

Helstu verkefni og ábyrgð

Hlutverk og ábyrgð er í samræmi við starfslýsingar hjúkrunarnema eftir lengd náms

Þátttaka í þverfagleri teymisvinnu innan deildar og í samvinnu við aðrar deildir

Starfshlutfall: 20-100%

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 1000/2019, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Hjúkrunarnemi, hjúkrun, teymisvinna

Tungumálahæfni: Íslenska 3/5

Staðsetning: Fossvogur, 108 Reykjavík

Nánari upplýsingar

Sigríður Árna Gísladóttir

Tölvupóstur: [email protected]

Sími: 897-0788

Auglýsing birt3. september 2026

Umsóknarfrestur14. september 2026

Tungumálahæfni

Íslenska

Nauðsyn

Meðalhæfni

Starfstegund

Starfsgreinar

Starfsmerkingar

Fleiri störf (31)