Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Geislafræðingar - Áhugaverð störf

Ertu hugmyndaríkur og tilbúinn að takast á við krefjandi verkefni?

Við leitum eftir tveimur jákvæðum og metnaðarfullum geislafræðingum til starfa í okkar öfluga teymi á inngrips- og æðaþræðingardeild Landspítala.

Á Landspítalanum er rekin eina inngrips- og æðaþræðingardeild landsins sem sinnir öllum helstu inngripum og æðaþræðingum og rannsóknum þeim tengdum. Unnið er í góðri samvinnu við myndgreiningardeild, þar sem hluti inngripa fer fram, auk þess sem þar eru framkvæmdar rannsóknir til undirbúnings fyrir inngrip og æðaþræðingar.

Á deildinni vinnur þverfaglegur og samhentur hópur starfsfólks þétt saman að krefjandi verkefnum þar sem lögð er áhersla á fagleg vinnubrögð og öryggi sjúklinga, góðan starfsanda, virðingu gagnvart vinnustaðnum, skjólstæðingum og starfsfólki.

Unnið er í dagvinnu og gert er ráð fyrir að viðkomandi sinni bakvöktum eftir að þjálfun lýkur. Störfin eru laus nú þegar eða samkvæmt nánara samkomulagi.

Menntunar- og hæfniskröfur

Íslenskt starfsleyfi geislafræðings

Reynsla af æðaþræðingum og/eða öðrum inngripum er kostur

Mjög góð samskiptahæfni og fagleg framkoma gagnvart þjónustuþegum og öllu samstarfsfólki

Hæfni, vilji og geta til að starfa í teymi

Stundvísi og áreiðanleiki

Faglegur metnaður og sjálfstæði í starfi

Frumkvæði og skipulagsfærni

Góð Íslenskukunnátta

Helstu verkefni og ábyrgð

Undirbúningur og aðstoð við æðaþræðingar og önnur inngrip í samstarfi við lækna deildarinnar, sem og umönnun aðgerðarsjúklinga

Þátttaka í þverfaglegri teymisvinnu

Sérhæfð verkefni eftir atvikum sem heyra undir starfsemi deildar

Virk þátttaka í gæðastarfi

Skráning í upplýsingakerfi deildarinnar (RIS, PACS og Orbit)

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Félag geislafræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, geislafræðingur, teymisvinna

Tungumálahæfni: íslenska 4/5

Staðsetning: Fossvogur, 108 Reykjavík

Nánari upplýsingar

Sandra Guðmundsdóttir

Tölvupóstur: [email protected]

Auglýsing birt19. janúar 2026

Umsóknarfrestur2. febrúar 2026

Tungumálahæfni

Íslenska

Nauðsyn

Mjög góð

Staðsetning

Fossvogur, 108 Reykjavík

Starfstegund

Starfsgreinar

Starfsmerkingar

Fleiri störf (50)

Hjúkrunarfræðingur á bráðalegudeild geð- og fíknisjúkdóma