Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðingur í öldrunarhjúkrun

Laus er til umsóknar staða sérfræðings í öldrunarhjúkrun með áherslu á hjúkrun einstaklinga með heilabilun. Sérfræðingurinn gegnir lykilhlutverki í þróun, samræmingu og eflingu þjónustu við aldraða einstaklinga með flóknar hjúkrunarþarfir, í nánu samstarfi við þverfagleg teymi.

Nálgun í starfinu er heildræn og byggir á einstaklingsmiðaðri, gagnreyndri og fjölskyldumiðaðri hjúkrun. Áhersla er lögð á stuðning við skjólstæðinga og aðstandendur, faglega ráðgjöf til starfsfólks og markvissa þróun þjónustu, allt frá klínísku mati og meðferð til langtímaeftirlits, fræðslu og gæðastarfs.

Sérfræðingur í öldrunarhjúkrun starfar samkvæmt starfslýsingu sérfræðinga í hjúkrun. Meginhlutverk, auk klínískra starfa, er ráðgjöf, kennsla og fræðsla til starfsfólks og nemenda, ásamt rannsóknar-, gæða- og þróunarvinnu. Starfið felur jafnframt í sér uppbyggingu, samræmingu og skipulagningu þjónustu við einstaklinga með heilabilun í samvinnu við aðrar heilbrigðisstéttir.

Starfshlutfall er 80-100% dagvinna og er starfið laust frá 1. maí 2026 eða eftir nánara samkomulagi.

Á vinnustaðnum er lögð rík áhersla á faglega þróun, samvinnu og umbætur í þjónustu við aldraða. Þar starfar öflugur hópur reyndra hjúkrunarfræðinga og annarra fagstétta og einkennist vinnuandinn af metnaði, þverfaglegri samvinnu og góðum starfsanda.

Menntunar- og hæfniskröfur

Meistara- eða doktorspróf í hjúkrun

Íslenskt sérfræðileyfi í öldrunarhjúkrun

Víðtæk reynsla af hjúkrun aldraðra, sérstaklega einstaklinga með heilabilun

Þekking og reynsla af ráðgjöf, kennslu og fræðslu

Leiðtoga- og samskiptahæfileikar

Reynsla af þverfaglegri teymisvinnu

Íslenskukunnátta áskilin

Helstu verkefni og ábyrgð

Leiðandi hlutverk í þróun hjúkrunar og þjónustu við einstaklinga með heilabilun

Klínísk sérfræðiráðgjöf til skjólstæðinga, aðstandenda og heilbrigðisstarfsfólks

Kennsla og fræðsla til starfsfólks og nemenda

Þátttaka í og frumkvæði að rannsóknar- og gæðastarfi

Innleiðing og eftirfylgd gagnreyndra verkferla

Samstarf og teymisvinna þvert á þjónustueiningar

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, sérfræðingur í hjúkrun, heilabilun, hjúkrunarfræðingur

Tungumálakunnátta: Íslenska 4/5

Staðsetning: Túngata, 101 Reykjavík

Nánari upplýsingar

Margrét Manda Jónsdóttir

Tölvupóstur: [email protected]

Helga Karólína Karlsdóttir

Tölvupóstur: [email protected]

Auglýsing birt19. janúar 2026

Umsóknarfrestur29. janúar 2026

Tungumálahæfni