Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Aðstoðardeildarstjóri hjúkrunar á legudeild minnisraskana á Landakoti

Við leitum eftir metnaðarfullum hjúkrunarfræðingi sem hefur brennandi áhuga á öldrunarhjúkrun, stjórnun ásamt gæða- og umbótastarfi. Starfið veitist frá 1. mars 2026 eða eftir nánara samkomulagi.

Legudeild minnisraskana á Landakoti er sérhæfð meðferðar- og endurhæfingadeild opin sjö daga vikunnar. Á deildinni starfar samheldinn hópur fagfólks og ríkir góður starfsandi. Starfsemin miðar að þjónustu við sjúklinga með minnisraskanir. Meginmarkmiðið er að auka lífsgæði með því að skapa öryggi og veita umhyggju í rólegu umhverfi þar sem þjónusta við sjúklinga og fjölskyldu byggir á þekkingu og framþróun. Meðferðin miðar að því að auka hæfni einstaklings til að takast á við breyttar aðstæður og viðhalda vitrænni og líkamlegri færni.

Aðstoðardeildarstjóri starfar náið með deildarstjóra og fylgir eftir ákvörðunum um skipulag hjúkrunar og verklag á deild sem og innleiðingu nýjunga í hjúkrun er stuðla að auknum gæðum hjúkrunar, gagnreyndum starfsháttum og öryggi sjúklinga. Mikið er lagt upp úr þverfaglegri teymisvinnu.

Menntunar- og hæfniskröfur

Íslenskt hjúkrunarleyfi

Starfsreynsla sem hjúkrunarfræðingur

Stjórnunarþekking og leiðtogahæfni

Jákvætt viðmót og framúrskarandi samskiptahæfni

Skipulögð, vönduð og öguð vinnubrögð

Þekking á þjónustuþáttum Landspítala

Hjúkrun einstaklinga með minnisraskanir er kostur

Góð íslenskukunnátta

Helstu verkefni og ábyrgð

Vinnur í samráði við hjúkrunardeildarstjóra að skipulagningu á starfsemi deildar

Ber ábyrgð á verkefnum sem hjúkrunardeildarstjóri felur honum samkvæmt sérstakri verkefnalýsingu

Er leiðandi í klínísku starfi, öryggis- og gæðastarfi og öðru umbótastarfi sem stuðlar að bættri þjónustu og framþróun í hjúkrun

Ber ábyrgð á starfsemi, mönnun og rekstri deildar í fjarveru og í samráði við hjúkrunardeildarstjóra

Er ábyrgur fyrir skipulagningu og framkvæmd hjúkrunar í fjarveru hjúkrunardeildarstjóra

Vinnur náið með deildarstjóra að mótun liðsheildar

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur, Aðstoðardeildarstjóri, stjórnun, endurhæfing

Tungumálahæfni: íslenska 4/5

Staðsetning: Túngata, 101 Reykjavík

Nánari upplýsingar

Gunnhildur María Kildelund

Tölvupóstur: [email protected]

Auglýsing birt12. janúar 2026

Umsóknarfrestur22. janúar 2026

Tungumálahæfni

Íslenska

Nauðsyn

Mjög góð

Staðsetning

Túngata, 101 Reykjavík

Starfstegund

Starfsgreinar

Starfsmerkingar

Fleiri störf (50)

Aðstoðardeildarstjóri hjúkrunar á sérhæfðri endurhæfingardeild aldraðra