Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Yfirlæknir í bráða- og ráðgjafarþjónustu geðþjónustu

Starf yfirlæknis í bráða- og ráðgjafarþjónustu geðþjónustu Landspítala er laust til umsóknar.

Yfirlæknir er leiðtogi geðlæknaþjónustunnar á einingunni og ber faglega stjórnunarábyrgð. Starfsemi bráða- og ráðgjafarþjónustu er fjórþætt og einkennist af öflugri teymisvinnu. Á einingunni fer fram bráðamóttaka sjúklinga sem eiga við bráð geðræn veikindi að stríða, skammtíma eftirfylgd eftir komu í bráðaþjónustu, ráðgjafaþjónusta fyrir bráðamóttöku í Fossvogi og ráðgjafaþjónusta fyrir vefrænar deildir Landspítala. Yfirlæknir gegnir einnig mikilvægu hlutverki í kennslumálum og uppbyggingu vísindastarfs geðþjónustunnar.

Leitað er eftir geðlækni með víðtæka reynslu og hæfni til að leiða þjónustu við sjúklinga, umbótastarf og öryggismál í nánu samstarfi við forstöðulækni, deildarstjóra bráða- og ráðgjafarþjónustu, framkvæmdastjóra og annað starfsfólk. Gerð er krafa um helgun í starfi faglegs yfirlæknis. Ráðið er í starfið frá 15. febrúar 2026 eða eftir samkomulagi. Næsti yfirmaður er Halldóra Jónsdóttir, forstöðulæknir geðþjónustu.

Menntunar- og hæfniskröfur

Íslenskt sérfræðileyfi í geðlækningum er skilyrði

Víðtæk reynsla af bráðaþjónustu á sviði geðþjónustu

Framúrskarandi fagleg færni

Leiðtogahæfileikar og geta til að leiða umbótastarf og breytingar

Reynsla af kennslu og vísindastörfum og sýn til framtíðar á þeim sviðum

Jákvætt viðmót og góð hæfni í mannlegum samskiptum

Frumkvæði og metnaður til að ná árangri

Helstu verkefni og ábyrgð

Fagleg ábyrgð á uppbyggingu, skipulagi og þróun geðlækninga í bráða- og ráðgjafarþjónustu, þ.m.t. kennslumálum og vísindastarfi í samráði við forstöðulækni, framkvæmdastjóra geðþjónustu og framkvæmdastjóra lækninga

Vinnur í samstarfi við aðra stjórnendur og starfsfólk að uppbyggingu og þróun þjónustu

Ber ábyrgð á umbótastarfi, setur markmið um öryggis- og gæðastarf og tryggir eftirfylgd

Almenn sérfræðilæknisstörf í bráða- og ráðgjafarþjónustu

Sérfræðiráðgjöf á Landspítala og til annarra stofnana og fagaðila

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.3 í gildandi kjarasamningi lækna og ríkisins.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum.
Afrit af lækninga- og sérfræðileyfum sem og vottuð afrit af erlendum leyfum (ef við á).
Staðfesting á læknis-, stjórnunar- og kennslustörfum.
Ferilskrá þar sem tilgreind er reynsla af læknis-, kennslu-, vísinda- og stjórnunarstörfum.
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed.
Kynningarbréf með framtíðarsýn umsækjenda varðandi starfið og sérgreinina auk rökstuðnings fyrir hæfni.

Fylgiskjöl skulu vera á pdf formi.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, yfirlæknir, sérfræðilæknir

Tungumálahæfni: íslenska 4/5,

Staðsetning: Hringbraut, 101 Reykjavík

Nánari upplýsingar

Halldóra Jónsdóttir

Tölvupóstur: [email protected]

Auglýsing birt22. janúar 2026

Umsóknarfrestur2. febrúar 2026

Tungumálahæfni

Íslenska

Nauðsyn

Mjög góð

Staðsetning

Hringbraut, 101 Reykjavík

Starfstegund

Starfsgreinar

Starfsmerkingar

Fleiri störf (50)

Hjúkrunarfræðingur á bráðalegudeild geð- og fíknisjúkdóma