Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Verkefnastjóri á verkefnastofu

Verkefnastofa Landspítala leitar eftir öflugum og framsýnum verkefnastjóra til að leiða fjölbreytt verkefni. Verkefnastofa er í fararbroddi í umbótarstarfi spítalans og stýrir innleiðingu á stafrænum lausnum, umbótaverkefnum, vinnustofum o.fl. Verkefnastofa Landspítala vinnur samkvæmt aðferðafræði faglegrar verkefnastjórnunnar og þar vinna um 15 verkefnastjórar. Teymið vinnur þvert á allan spítalann og styður stjórnendur og annað starfsfólk m.a. við að bæta þjónustu við sjúklinga, bæta vinnuumhverfi og draga úr sóun.

Ef þú hefur áhuga á að hafa áhrif og stýra verkefnum sem móta heilbrigðisþjónustu framtíðar á Íslandi, þá gæti þetta verið starf fyrir þig.

Starfshlutfall er 100% og er starfið laust 1. ágúst 2025 eða samkvæmt nánara samkomulagi.

Menntunar- og hæfniskröfur

Háskólamenntun á sviði verkefnastjórnunnar er skilyrði

Reynsla í faglegri verkefnastjórnun í hlutverki verkefnastjóra

Reynsla í að stilla upp og vinna með árangurmælikvarða

Reynsla af verkefnastjórnun innan heilbrigðisgeirans er kostur.

Mjög góð íslensku- og enskukunnátta í rituðu og töluðu máli.

Helstu verkefni og ábyrgð

Vinna samkvæmt ferlum og verklagi verkefnastofu við verkefnastjórnun, svo sem áætlanagerð, utanumhald með verkefnahóp og hagsmunaaðila, stýra verkefni skv. áætlunum, skrá framvindu verkefna o.fl.

Leiðtogi í verkefnavinnu: er fyrirmynd í stöðugum umbótum, leiðir fjölbreytt verkefni og stuðlar að því að þau nái settum markmiðum. Verkefnastjóri styður við að verkefni séu valin í samræmi við stefnumótandi markmið. Styður við stjórnendur við val og mótun verkefna, þarfagreiningar og forgangsröðun.

Þverfagleg samvinna: vinnur náið með framkvæmdastjórum, stjórnendum og hagsmunaaðilum þvert á spítalann og stuðlar að menningu samstarfs, umbóta og nýjunga. Stuðlar að samlegðaráhrifum verkefna og afurða þvert á spítalann og að skilvirkum samskiptum og upplýsingaflæði til hagsmunaaðila.

Gæði og öryggi: tryggir að unnið sé samkvæmt stjórnarháttum verkefnastofu, að verkefni skili mælanlegum niðurstöðum og öryggi sjúklinga og starfsfólks sé ávallt haft að leiðarljósi í verkefnavinnu.

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum

Starfsmerkingar: Heilbrigðisþjónusta, verkefnastjóri, verkefnastjórnun, sérfræðistörf

Tungumálahæfni: íslenska 4/5, enska 4/5

Nánari upplýsingar

Sandra Gestsdóttir, [email protected],

Sigrún Eyjólfsdóttir, [email protected],

Verkefnastofa

Skaftahlíð 24

105 Reykjavík

Auglýsing birt4. júlí 2025

Umsóknarfrestur14. júlí 2025

Tungumálahæfni

Íslenska

Nauðsyn

Mjög góð

Enska

Nauðsyn

Mjög góð

Staðsetning

Skaftahlíð 24, 105 Reykjavík

Starfstegund

Starfsgreinar

Starfsmerkingar

Fleiri störf (44)

Hjúkrunarnemar á 3.- 4. ári - hlutastörf með námi á speglunardeild Hringbraut