Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Heilbrigðisgagnafræðingur - Geislameðferð læknar

Geislameðferð í krabbameinsþjónustu Landspítala leitar að öflugum einstaklingi í áhugavert starf við umsjón með rekstri skrifstofu sérgreinarinnar og fjölbreytt skrifstofustörf á einingunni.

Starfið er mjög fjölbreytt og krefjandi og mun viðkomandi m.a. hafa umsjón með rekstri skrifstofu sérgreinarinnar og verða hluti teymis sérgreinarinnar auk þess að sinna verkefnum innan krabbameinsþjónustunnar. Heilbrigðisgagnafræðingur vinnur undir stjórn yfirlæknis geislameðferðar.

Við leitum eftir skipulögðum og lausnamiðuðum einstaklingi sem býr yfir framúrskarandi samskiptahæfni og sem á auðvelt með að vinna í teymi. Starfshlutfall er 80-100%, unnið er í dagvinnu og er starfið laust nú þegar eða eftir nánara samkomulagi.

Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og auknu öryggi starfsfólks og auka möguleika þess til að samþætta betur vinnu og einkalíf.

Menntunar- og hæfniskröfur

Starfsleyfi sem heilbrigðisgagnafræðingur, starfsreynsla æskileg

Skipulögð og nákvæm vinnubrögð

Jákvætt lífsviðhorf og framúrskarandi samskiptahæfileikar

Frumkvæði og faglegur metnaður í starfi

Hæfni og geta til að starfa í teymi

Gott vald á íslensku og ensku

Góð tölvuþekking og færni í helstu tölvuforritum

Þekking á sjúkraskrárkerfinu Sögu er kostur

Helstu verkefni og ábyrgð

Umsjón og rekstur skrifstofu sérgreinar í samráði við yfirlækni

Umsjón með vinnuskipulagi, vaktaskrá og vinnutímaskráningu sérfræðilækna

Upplýsingagjöf og samskipti við sjúklinga, starfsmenn og stofnanir

Skipuleggja og hafa yfirsýn yfir fundi, vinnustofur og aðra viðburði innan sérgreinarinnar

Aðstoð við skipulagningu kennslu og vísindastarfa á vegum sérgreinarinnar

Þátttaka og þróun í upplýsingatækni við ritun í rafræna sjúkraskrá sviðsins

Svörun ráðgjafarsíma í samvinnu við hjúkrunarfræðing og sérfræðilækna

Ýmis verkefni í samvinnu við yfirlækni og sérfræðilækna

Þátttaka í ýmsum sérverkefnum t.d. gerð bæklinga og staðlaðra upplýsinga til sjúklinga og þróun á heimasíðu

Samvinna og samstarf við aðrar sérgreinar

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, heilbrigðisgagnafræðingur, teymisvinna

Tungumálahæfni: íslenska 4/5, enska 3/5

Nánari upplýsingar

Jakob Jóhannsson, [email protected], 543-6864

Geislameðferð, læknar

Hringbraut

101 Reykjavík

Auglýsing birt3. júlí 2025

Umsóknarfrestur16. júlí 2025

Tungumálahæfni

Íslenska

Nauðsyn

Mjög góð

Enska

Nauðsyn

Meðalhæfni

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (41)