Vilt þú vinna að framtíðinni? Sérfræðingur í gervigreind
Krefjandi og spennandi starf fyrir metnaðarfullan einstakling sem vill hafa áhrif á þróun málefnasviðs gervigreindar í samræmi við þarfir samfélagsins.
Um er að ræða fullt starf sérfræðings á skrifstofu nýsköpunar, rannsókna og stafrænna mála. Æskilegt er að viðkomandi geti hafið störf sem fyrst. Laun eru samkvæmt kjarasamningi Félags háskólamenntaðra starfsmanna Stjórnarráðsins. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 1000/2019 um auglýsingar á lausum störfum. Ráðuneytið áskilur sér rétt til að ráða fleiri en einn starfsmann á grundvelli þessarar auglýsingar.
Í menningar-, nýsköpunar og háskólaráðuneyti starfa um 50 starfsmenn með fjölbreytta menntun og bakgrunn. Ráðuneytið er fjölskylduvænn vinnustaður þar sem lögð er áhersla á samvinnu og góðan starfsanda í samræmi við mannauðs- og viðverustefnu Stjórnarráðsins.
Nánari upplýsingar veitir Sigríður Valgeirsdóttir, skrifstofustjóri skrifstofu nýsköpunar, rannsókna og stafrænna mála, [email protected]
Með umsókn þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni umsækjanda í starfið.
Athygli er vakin á því að samkvæmt 7. gr. upplýsingalaga nr. 140/2012 er ráðuneytinu skylt að veita upplýsingar um nöfn og starfsheiti umsækjenda um starf þegar umsóknarfrestur er liðinn verði eftir því leitað.
Ráðuneytið leggur áherslu á jafnrétti og hvetur öll áhugasöm til að sækja um starfið.
Ráðuneytið er jákvætt fyrir störfum óháð staðsetningu.
• Framkvæmd og eftirfylgni aðgerðaráætlunar í gervigreind
• Þátttaka í stefnumótun
• Tæknileg ráðgjöf og samskipti við opinbera aðila,
fyrirtæki og félagasamtök
• Þátttaka í teymisvinnu innan ráðuneytisins
-
Háskólamenntun sem nýtist í starfi
-
Þekking á gervigreindartækni og hagnýtingu hennar
-
Þekking á stafrænum innviðum sem styðja við reiknigetu og gagnaúrvinnslu
-
Færni í að greina samfélagslegar áskoranir og tækifæri sem tengjast nýtingu gervigreindar
-
Skipulagshæfni, nákvæmni og geta til að forgangsraða verkefnum
-
Frumkvæði, ábyrgð og sveigjanleiki eru mikilvæg
-
Góð samskiptahæfni og hæfni til að miðla tæknilega flóknum upplýsingum til fjölbreytts hóps viðtakenda.
-
Þekking á sviði opinberrar stjórnsýslu og verkefnastjórnun er kostur
Enska
Íslenska
