atNorth

atNorth hefur frá 2009 verið brautryðjandi í hönnun, uppbyggingu og rekstri hátæknigagnavera á Íslandi, Svíþjóð, Finnlandi og Danmörku. Meðal viðskiptavina atNorth eru alþjóðleg fyrirtæki og stofnanir sem starfa í fjölmörgum greinum, svo sem við rannsóknir, í heilbrigðisgeiranum, í fjármálaiðnaði og veðurfræði, sem nýta þjónustu atNorth til þess að vinna gögn með hámarks afköstum á hagkvæman og umhverfisvænan hátt. Með staðsetningu gagnavera atNorth á Norðurlöndunum getur fyrirtækið nýtt umhverfisaðstæður svo sem loftslag og nýtingu hita sem myndast í gagnaverunum til að ná fram betri orkunýtingu en þekkist annars staðar við rekstur gagnavera, ásamt því að knýja gagnaverin með endurnýjanlegri orku. Hringrásarhagkerfið sem byggir á grunni endurnýjanlegrar orku og hagkvæmrar orkunýtingar er haft að leiðarljósi við hönnun gagnavera atNorth. Höfuðstöðvar atNorth eru í Reykjavík, en fyrirtækið rekur sjö gagnaver á Norðurlöndum. Á árinu 2024 verða tvö ný gagnver tekin í notkun í Finnlandi og Danmörku. Frekari upplýsingar um atNorth er að finna á heimasíðu fyrirtækisins atnorth.com og eins má fylgja atNorth á Linkedin og Facebook.

Vinnustaðurinn

Forstöðumaður framkvæmda og þróunar

atNorth leitar að öflugum og metnaðarfullum einstaklingi í stöðu forstöðumanns framkvæmda og þróunar (e. Director of delivery). Þetta er lykilhlutverk innan þróunardeildar þar sem viðkomandi ber ábyrgð á árangursríkri afhendingu þróunarverkefna s.s. stækkunar gagnavera, til viðskiptavina.

Forstöðumaður framkvæmda og þróunar leiðir teymi verkefnastjóra og vinnur náið með starfsmönnum í hönnun og fjármálum samhliða því að stýra samstarfi við verktaka og birgja. Framundan eru m.a. spennandi þróunarverkefni sem fela í sér stækkun gagnavera í Reykjanesbæ Fitjum og á Akureyri.

Helstu verkefni og ábyrgð

Ber ábyrgð á að þróunarverkefni séu afhent á réttum tíma, innan fjárhagsáætlunar og í samræmi við gæðastaðla
Mótar og bætir ferla og verkflæði tengd afhendingu til að tryggja skilvirkni og framúrskarandi þjónustu við viðskiptavini
Leiðir samningaferli fyrir einstök verkefni, sem og að leiða samstarf við verktaka og aðra nánan samstarfsaðila
Tekur virkan þátt í stefnumótun og framtíðarþróun þróunardeildar
Leiðir þverfagleg teymi með skýra sýn, hvetjandi stjórn og áherslu á samvinnu og stöðugar umbætur
Vinnur náið með teymum sem koma að staðarvali, hönnun, verkfræði, afhendingu og verkefnastjórnun

Menntunar- og hæfniskröfur

Háskólamenntun s.s. á sviði verkfræði, verkefnastjórnunar, viðskipta eða tengdum greinum
Reynsla af forystu í þróunarverkefnum
Djúp þekking á verkefnastjórnun, kostnaðaráætlunum og samningsgerð
Reynsla af því að leiða teymi og byggja upp árangursdrifna menningu
Þekking á ferlavæðingu og umbótastarfi
Framúrskarandi samskipta- og samvinnuhæfni
Skipulagshæfni, frumkvæði og hæfni til að vinna sjálfstætt og undir álagi

atNorth er leiðandi norrænt fyrirtæki á sviði gagnaversþjónustu sem býður upp á sjálfbæra og hagkvæma ofurtölvuþjónustu sem laga má að þörfum viðskiptavina á hverjum tíma og nýtur trausts leiðandi fyrirtækja. Árið 2023 keypti atNorth Gompute, leiðandi fyrirtæki á sviði háhraðatölvunarþjónustu (HPC) og jók þar með framboð hugbúnaðarlausna sem sérsniðnar eru að gervigreind og kerfislega mikilvægri háálagstölvuvinnslu.

atNorth nýtir umhverfisaðstæður á borð við kalt loftslag norðurslóða og svo hita frá starfseminni til að ná fram betri orkunýtingu en annars staðar þekkist við rekstur gagnavera, ásamt því að knýja gagnaverin með endurnýjanlegri orku. Hringrásarhagkerfið sem byggir á grunni endurnýjanlegrar orku og hagkvæmrar orkunýtingar er haft að leiðarljósi við hönnun gagnavera atNorth.

Höfuðstöðvar atNorth eru í Hafnarfirði, en fyrirtækið rekur átta gagnaver á Norðurlöndum, þar af þrjú á Íslandi. Framundan á árinu er svo opnun níunda gagnavers atNorth í Ballerup í Danmörku. Þá er tíunda gagnaverið í smíðum í Kouvola í Finnlandi og það ellefta í Ølgod í Danmörku. Frekari upplýsingar um atNorth er að finna á heimasíðu fyrirtækisins www.atnorth.com.

Auglýsing birt4. júlí 2025

Umsóknarfrestur19. júlí 2025

Tungumálahæfni