Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðilæknir í augnlækningum

Við leitum eftir sérfræðilækni í augnlækningum til starfa við augndeild Landspítala. Viðkomandi þarf að hafa íslenskt sérfræðileyfi í augnlækningum. Starfshlutfall er 60% og er starfið laust 1. september 2026 eða eftir samkomulagi.

Við augnlækningar starfar öflugur hópur sérfræðilækna og almennra lækna í þverfaglegu teymi og í nánu samstarfi við aðrar fagstéttir. Áhersla er lögð á góða þjónustu, virka teymisvinnu og stöðugar umbætur í þágu sjúklinga. Við tökum vel á móti nýju starfsfólki og veitum góða aðlögun.

Menntunar- og hæfniskröfur

Íslenskt sérfræðileyfi í augnlækningum

Sérfræðipróf í augnlækningum

Reynsla í barnaaugnlækningum, augnkrabbameinslækningum og sjónhimnulæknigum

Reynsla af kennslu- og vísindastörfum er æskileg

Faglegur metnaður og skipulögð vinnubrögð

Jákvæðni, sveigjanleiki og lipurð í samskiptum

Íslenskukunnátta áskilin

Helstu verkefni og ábyrgð

Sérfræðistörf í samráði við yfirlækni sérgreinar, s.s. greiningar, meðferð og eftirfylgd sjúklinga með vandamál er tengjast undirsérgein sem og almennum augnlækningum

Þátttaka í samráðkvaðningum og göngudeildarþjónustu

Þátttaka í vaktþjónustu sérgreinar bæði á dagvinnutíma og gæsluvöktum

Kennsla lækna í sérnámsgrunni, læknanema og annarra fagstétta heilbrigðisstarfsmanna í samráði við yfirlækni

Þátttaka í vísindastarfi, þróunar- og gæðaverkefnum

Þátttkaka í teymisvinnu

Starfshlutfall: -60%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum
Ferilskrá þar sem tilgreind er reynsla af kennslu, vísindavinnu og stjórnunarstörfum
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed
Kynningarbréf með rökstuðningi fyrir hæfni og sýn á starfið

Fylgiskjöl skulu vera á pdf formi.

Viðtöl verða tekin við umsækjendur og byggist ákvörðun um ráðningu í starfið á þeim og innsendum gögnum. Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum

Starfsmerkingar: Heilbrigðisþjónusta, Sérfræðilæknir

Tungumálahæfni: íslenska 4/5

Staðsetning: Eiríksgata 5, 101 Reykjavík

Nánari upplýsingar

Gunnar Már Zoéga

yfirlæknir

Tölvupóstur: [email protected]

Sími: 825-5015

Jóhann Ragnar Guðmundsson

yfirlæknir

Tölvupóstur: [email protected]

Sími: 823-7874

Auglýsing birt11. mars 2026

Umsóknarfrestur7. apríl 2026

Tungumálahæfni

Íslenska

Nauðsyn

Mjög góð

Staðsetning

Eiríksgata 5, 101 Reykjavík

Starfstegund

Starfsgreinar

Starfsmerkingar

Fleiri störf (50)