Laus störf Hæfnileit Vinnustaðir Námskeið

Sjúkrahúsið á Akureyri

Sjúkrahúsið á Akureyri er lifandi og metnaðarfullur vinnustaður þar sem um 800 manns starfa saman í þverfaglegum teymum og samstarfi ólíkra fagstétta. Sjúkrahúsið gegnir lykilhlutverki í bráðaþjónustu og sérhæfðum meðferðum og er miðstöð læknisfræðilegrar þjónustu sjúkraflugs á Íslandi. Á sjúkrahúsinu er veitt framúrskarandi heilbrigðisþjónustu með áherslu á fagmennsku, umhyggju og samvinnu. Dýrmæt tækifæri til að vinna í sérhæfðu og fjölbreyttu starfsumhverfi og þróa faglega hæfni þar sem áhersla er lögð á lærdóm, fagmennsku og mannlega nálgun. Komdu í lið með okkur og taktu þátt í að gera Sjúkrahúsið á Akureyri enn betra! Við tökum vel á móti nýju starfsfólki.

Vinnustaðurinn

Læknir á dagdeild lyflækninga við Sjúkrahúsið á Akureyri

Við leitum að metnaðarfullum og ábyrgum lækni til starfa á dagdeild lyflækninga þar sem fagmennska, samvinna og vönduð þjónusta við sjúklinga er í forgrunni. Á dagdeildinni sinnum við fjölbreyttum verkefnum í góðri teymisvinnu, m.a. meðferð einstaklinga með blóðsjúkdóma, krabbamein, sérhæfðar lyfjagjafir og ýmsar rannsóknir. Einnig er um að ræða móttöku sjúklinga á göngudeild og þátttaka í þróun starfseminnar

Frábært tækifæri til að koma að uppbyggingu og þróun bráðadagdeildar!

Staðan er laus nú þegar eða eftir samkomulagi. Um er að ræða 100% stöðu í dagvinnu en möguleiki er á lægra starfshlutfalli.

Næsti yfirmaður er Guðni Arnar Guðnason, forstöðulæknir lyflækninga.

Af hverju Sjúkrahúsið á Akureyri?

Stuttur ferðatími milli heimilis og vinnu
Forgangur á leikskóla
Heilsustyrkur
Dagvinna
Góð starfsaðstaða og sterk fagleg samvinna
Lífsgæði og fjölskylduvænt samfélag
Náttúruperla með frábærum möguleikum til útivistar
Jafnvægi milli vinnu og einkalífs
Sterk liðsheild
Góð laun samkvæmt gildandi kjarasamningi

Helstu verkefni og ábyrgð

Viðtöl, símaeftirlit og læknisumsjón sjúklinga sem koma í lyfja- blóðhluta-, vökvagjöf eða aðra meðferð og rannsóknir á dagdeild
Viðtöl og eftirlit sjúklinga á göngudeild lyflækninga í samvinnu við sérfræðilækna í lyflækningum
Framkvæmd læknisfræðilegra inngripa
Afgreiðsla tilvísana og ráðgjafabeiðna á dagdeild og göngudeild sem falla undir almennar lyflækningar
Yfirferð á niðurstöðum myndgreininga-, blóð-, vefja- og annarra rannsókna
Ýmis verkefni í samráði við sérfræðilækna og hjúkrunarfræðinga á dagdeild
Þátttaka í þróun starfseminnar
Þáttaka í vaktþjónustu í boði
Þátttaka í teymisfundum og fræðslu

Menntunar- og hæfniskröfur

Fullgilt íslenskt lækningaleyfi
Hæfni til að vinna sjálfstætt og sýna frumkvæði
Hæfni og geta til að vinna í teymi
Samskiptahæfni og lipurð í mannlegum samskiptum
Við ráðningu verður lögð áhersla á faglega þekkingu og reynslu ásamt hæfileikum á sviði samskipta, samvinnu og sjálfstæðra vinnubragða
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Fríðindi í starfi

heilsustyrkur

forgangur á leikskóla

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsóknum skulu fylgja ítarlegar upplýsingar um nám og starfsferilskrá ásamt afriti af prófskírteinum og starfsleyfi, ef við á.

Tekið er mið af jafnréttisstefnu Sjúkrahússins á Akureyri við ráðningar í störf á sjúkrahúsinu. Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Öllum umsóknum verður svarað.

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi þar sem áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Samkvæmt mannauðsstefnu Sjúkrahússins á Akureyri er lögð áhersla á að ráða til starfa og halda í hæfileikaríka einstaklinga. Við val á starfsfólki er menntun, reynsla, færni og hæfni höfð að leiðarljósi. Mannauðsstefnan er leiðarljós stjórnenda og starfsfólks sem gerir sjúkrahúsið framsækinn og eftirsóknarverðan vinnustað, en hún byggir á grunngildum sjúkrahússins sem eru: ÖRYGGI, SAMVINNA og FRAMSÆKNI.

Starfshlutfall frá 0-100%

Auglýsing birt10. mars 2026

Umsóknarfrestur23. mars 2026

Tungumálahæfni