Sumarstörf 2026 - Öryggisþjónusta
Landspítali auglýsir laus til umsóknar sumarstörf í öryggisþjónustu. Leitað er eftir jákvæðum, drífandi og lausnamiðuðum einstaklingum með ríka þjónustulund og sem eru sveigjanlegir í starfi. Viðkomandi þarf að búa yfir mikilli samskiptahæfni og getu til að mæta þörfum ólíkra hópa, hafa auga fyrir umbótum og stuðla að jákvæðum starfsanda og starfsumhverfi á fjölþjóðlegum vinnustað.
Starfið er fjölbreytt og krefjandi og býður upp á lifandi starfsumhverfi og gefandi samstarf. Öryggisþjónusta skiptist í eftirlit og vaktmiðstöð. Eftirlit felst meðal annars í að bregðast við útköllum á deildir, reglulegum eftirlitshringjum og aðstoð við rekstrarþjónustu eftir þörfum. Vaktmiðstöð fylgist með öryggis- og eftirlitskerfum spítalans. Meginhlutverk öryggisþjónustu er að tryggja góða þjónustu fyrir allar deildir spítalans, (s.s. flutningsþjónustu, öryggisþjónustu, símaþjónustu, móttökuþjónustu) og ýmsa almenna þjónustu sem styður við daglega starfsemi á spítalanum.
Leitast er eftir fólki í vaktavinnu. Unnið er á 8 tíma vöktum, 12 tímar um helgar, allan sólahringinn.
-
Öryggisgæsla, eftirlit og vöktun öryggis- og hússtjórnarkerfa spítalans
-
Þjónusta við aðrar deildir
-
Móttaka þjónustubeiðna og upplýsingaþjónusta
-
Viðbrögð við neyðartilfellum
-
Flutningar á sýnum og blóði eftir opnunartíma flutningaþjónustu
-
Aðstoð við reglulega flutninga
-
Stúdentspróf
-
Leiðtogahæfni, framúrskarandi samskiptahæfni og þjónustulund
-
Jákvæðni, hvetjandi hugsun og stuðlar að góðum starfsanda
-
Metnaður, frumkvæði og geta til að starfa sjálfstætt og í teymum
-
Lausnamiðuð nálgun
-
Gerð er krafa um 20 ára lágmarksaldur
-
Góð íslensku- og enskukunnátta
-
Gild ökuréttindi
Íslenska
Enska
