Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Hjúkrunarfræðingur, bráðateymi barna- og unglingageðdeildar

Metnaðarfullur hjúkrunarfræðingar óskast til starfa í bráðaþjónustu barna- og unglingageðdeildar Landspítala. Í boði er fjölbreytt og líflegt starf þar sem þverfagleg teymisvinna er í forgrunni.

Um er að ræða starf í dagvinnu en einnig getur möguleiki verið á vaktavinnu á legudeild barna- og unglingageðdeildar samhliða. Starfshlutfall er 80-100% og upphafsdagur er samkomulagsatriði.

Barna- og unglingageðdeild samanstendur af þremur deildum á Landspítala; legudeild, dagdeild og göngudeild. Þar er veitt sérhæfð og fjölskyldumiðuð heilbrigðisþjónusta við börn sem þarfnast sjúkrahúsþjónustu vegna geðræns vanda. Á deildunum starfa samtals um 100 einstaklingar í fjölskylduvænu starfsumhverfi. Þjónustan er í stöðugri framþróun og kapp er lagt á notendamiðaða þjónustu og styttingu biðtíma.

Markmið bráðateymis er að sinna bráðatilvikum vegna geðræns vanda. Þjónusta bráðateymis á dagvinnutíma fer fram á göngudeild barna- og unglingageðdeildar þar sem tekið er á móti börnum og fjölskyldum þeirra í bókuð bráðaviðtöl og eftirfylgdarviðtöl. Utan dagvinnutíma fer bráðaþjónusta við börn með bráðan geðrænan vanda fram á bráðamóttökum Landspítala með aðkomu fagfólks barna- og unglingageðdeildar.

Hjúkrunarfræðingur mun fá markvissa fræðslu og þjálfun í tengslum við starfið og miklir möguleikar eru til starfsþróunar og sérhæfingar.

Menntunar- og hæfniskröfur

Íslenskt hjúkrunarleyfi

Reynsla sem nýtist í starfi

Framhaldsnám sem nýtist í starfi er kostur en ekki skilyrði

Framúrskarandi færni í samskiptum og teymisvinnu

Faglegur metnaður, jákvætt hugarfar, frumkvæði og geta til að takast á við krefjandi verkefni

Skipulagshæfni og öguð vinnubrögð

Hæfni til að starfa samkvæmt öryggisverkferlum deildar

Góð íslenskukunnátta, í mæltu og rituðu máli

Kunnátta í tungumáli stórra samfélagshópa á Íslandi sem eiga íslensku ekki að móðurmáli er kostur

Góð almenn tölvukunnátta, geta til að læra nýjungar

Hreint sakavottorð

Helstu verkefni og ábyrgð

Starfar í þverfaglegu bráðateymi á göngudeild

Sinnir mati á bráðum geðrænum vanda barna auk eftirfylgdar

Samvinna við fagaðila í nærumhverfi

Tekur þátt í umbótastarfi og þróun þjónustu

Stuðlar að góðum starfsanda og menningu sálræns öryggis

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, Hjúkrunarfræðingur, Hjúkrun

Tungumálahæfni: íslenska 4/5

Staðsetning: Dalbraut, 105 Reykjavík

Nánari upplýsingar

Valgerður Björg Hafsteinsdóttir

Tölvupóstur: [email protected]

Kristín Inga Grímsdóttir

Tölvupóstur: [email protected]

Auglýsing birt27. febrúar 2026

Umsóknarfrestur13. mars 2026

Tungumálahæfni