Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Aðstoðarmaður deildarstjóra á sérhæfðri endurhæfingardeild aldraðra

Við leitum að einstaklingi sem hefur yfirsýn, sýnir frumkvæði og brennur fyrir að skapa jákvæða vinnustaðamenningu.

Starf aðstoðarmanns deildarstjóra er lifandi og fjölbreytt starf þar sem enginn dagur er eins. Starfið hentar vel þeim sem hafa áhuga á verkefnastjórnun og felur í sér skipulagslega ábyrgð, mönnun og þátttöku í umbótaverkefnum, auk víðtækra samskipta við skjólstæðinga, aðstandendur, starfsfólk, stoðþjónustur og stjórnendur. Viðkomandi vinnur náið með deildarstjóra, aðstoðardeildastjórum og er partur af stjórnendateymi deildar.

Sérhæfð endurhæfingardeild aldraðra er staðsett á Landakoti, í hjarta Reykjavíkur, í fallegu og friðsælu umhverfi. Deildin rúmar 16-18 sjúklinga til endurhæfingar og einkennist af góðum starfsanda og mikilli samheldni innan hópsins. Deildin var endurnýjuð 2020, vinnuaðstæður góðar og deildin vel búin tækjum. Áhersla er lögð á gott og gleðiríkt andrúmsloft þar sem hver og einn nýtir sína styrkleika. Unnið er saman í teymisvinnu og við fögnum nýjum röddum, sjónarhornum og hugmyndum.

Starfshlutfall er 100% og er starfið laust nú þegar, æskilegt að viðkomandi gæti hafið störf sem fyrst.

Áhugasömum er velkomið að hafa samband við Sigurlaugu, deildarstjóra.

Menntunar- og hæfniskröfur

Háskólamenntun sem nýtist í starfi skilyrði

Viðbótarmenntun eða framhaldsnám í mannauðsstjórnun eða verkefnastjórnun æskileg

Reynsla af sambærilegu starfi kostur

Leiðtoga- og skipulagshæfni

Góð samskiptahæfni sem stuðlar að góðum starfsanda

Jákvæðni, hvetjandi og lausnarmiðuð hugsun í starfi

Mjög góð almenn tölvukunnátta

Góð færni í íslensku og ensku, bæði töluðu og rituðu máli

Helstu verkefni og ábyrgð

Símavarsla og aðstoð við að stýra vaktinni ásamt vaktstjóra og hópstjóra

Halda utan um tímabókanir og ferðir skjólstæðinga innan- og utanhúss

Umsjón með Vinnustund og aðstoð við mönnun vakta

Ýmis mannauðstengd verkefni svo sem þátttaka í móttöku og aðlögun nýrra starfsmanna, undirbúningur fyrir starfsmannasamtöl og atvinnuviðtöl

Yfirsýn yfir þjálfun og endurmenntun starfsfólks

Ýmis sérhæfð verkefni sem tengjast umbótastarfi, samskiptum og samhæfingu eins og að halda utan um fræðslu, starfsdaga, fundi og aðra viðburði

Yfirsýn yfir rekstrarumhverfi

Ritun og úrvinnsla fundargerða og annarra gagna sem tengjast starfseminni

Önnur verkefni að beiðni deildarstjóra

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi, ef við á. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, mannauðsstjórnun, verkefnastjórnun

Tungumálahæfni: íslenska 4/5, enska 4/5

Staðsetning: Túngata, 101 Reykjavík

Nánari upplýsingar

Sigurlaug A Þorsteinsdóttir

Tölvupóstur: [email protected]

Auglýsing birt13. mars 2026

Umsóknarfrestur23. mars 2026

Tungumálahæfni