Hnit verkfræðistofa

Hnit verkfræðistofa hf. er rótgróið fyrirtæki sem hefur verið starfrækt í 55 ár og hefur á þeim tíma veitt alla almenna verkfræðiráðgjöf á sviði mannvirkjagerðar. Á þessu ári varð fyrirtækið hluti af Artelia Group, sem er alþjóðlegt verkfræðifyrirtæki með yfir 10.000 starfsmenn í 40 löndum. Þessi sameining veitir okkur tækifæri til að bjóða upp á fjölbreyttari og víðtækari sérfræðiþekkingu til að takast á við fleiri og stærri verkefni og veitir starfsmönnum okkar spennandi tækifæri. Hjá verkfræðistofunni starfa nú um 40 manns, verkfræðingar, tæknifræðingar, tækniteiknarar, skrifstofumenn og annað starfslið.

Vinnustaðurinn

Starfskraftur í verkbókhald og móttöku

Við leitum að úrvals starfskrafti í verkbókhald, reikninga og skýrslugerð auk annarra starfa í móttöku fyrirtækisins. Um er að ræða þjónustustarf, gagnvart viðskiptavinum fyrirtækisins, starfsmönnum og samstarfsaðilum erlendis. Vinnutími er 09:00 - 17:00 og 09:00 - 14:00 á föstudögum.

Helstu verkefni og ábyrgð

Reikningagerð og umsýsla tengd henni er mikilvægur hluti starfsins. Töluvert samstarf er við verkefnastjóra fyrirtækisins s.s. utanumhald um kostnað verkefna, skjalavarsla og eftirfylgni. Starfsmaður er jafnframt í nánu samstarfi við bókara og deila þeir með sér verkum og leysa hvorn annan af eftir þörfum. Starfið er hluti af móttöku fyrirtækisins sem felst m.a. í símsvörun, móttöku viðskiptavina, innkaupum á skrifstofu- og rekstrarvörum og almennri skrifstofuvinnu.

Menntunar- og hæfniskröfur

Haldbær starfsreynsla við bókhald og verkefnavinnu er skilyrði.
Góð almenn tölvufærni, sérstaklega í Excel og Word.
Reynsla af ritvinnslu æskileg.
Gott vald á íslensku í ræðu og riti.
Góð enskukunnátta.

Fríðindi í starfi

Niðurgreiddur hádegismatur
Íþrótta- og samgöngustyrkur

Hnit er fjölskylduvænn vinnustaður með jákvæðan starfsanda og sterka liðsheild. Við leggjum áherslu á jákvæð og hvetjandi samskipti og virðingu fyrir störfum hvers annars, sem og annarra. Það endurspeglast í gildum okkar: Fagmennska, lipurð, virðing, áreiðanleiki. Öflugt starfsmannafélag er starfrækt á Hnit með fjölda viðburða á hverju ári.

Auglýsing birt4. september 2025

Umsóknarfrestur16. september 2025

Tungumálahæfni