Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

Vinnustaðurinn

Skrifstofufulltrúi með verkefnisstjórn óskast til starfa hjá skrifstofu stjórnsýslu og gæða

Umhverfis- og skipulagssvið Reykjavíkurborgar óskar eftir að ráða metnaðarfullan og vandvirkan einstakling til starfa hjá skrifstofu stjórnsýslu og gæða. Skrifstofan fer meðal annars með lögfræðiþjónustu sviðsins, gæðamál, þjónustumál, eftirlit með afnotum borgarlands og framkvæmdum auk þjónustu við umhverfis- og skipulagsráð og heilbrigðisnefnd. Skrifstofunni er skipt upp í fjórar deildir: lögfræðideild, deild afnota og eftirlits, þjónustudeild og gæðadeild.

Helstu verkefni og ábyrgð

• Aðstoð við sviðsstjóra og stjórnendur skrifstofunnar

• Samskipti við viðskiptavini deildarinnar og aðra hagsmunaaðila auk samstarfsaðila innan borgarinnar.

• Almenn skrifstofustörf, umsjón og utanumhald með skráningu, varðveislu og endurheimt erinda og gagna úr skjalakerfum sviðsins.

• Undirbúningur funda, frágangur fundargerða, ritun og útsending bréfa, útgáfa reikninga og annað í samráði við skrifstofustjóra.

• Upplýsingagjöf og móttaka erinda til skrifstofu og aðstoð við úrvinnslu.

• Önnur verkefni sem skrifstofustjóri felur skrifstofufulltrúa

Menntunar- og hæfniskröfur

• Stúdentspróf eða sambærileg menntun.

• Viðbótarmenntun sem nýtist í starfi kostur.

• Reynsla af sambærilegu starfssviði og opinberri stjórnsýslu er kostur.

• Þjónustulund og góð færni í mannlegum samskiptum er lykilatriði.

• Skipulagshæfileikar og sveigjanleiki.

• Færni í notkun á algengum hugbúnaði sem tengist skrifstofustörfum.

• Íslensku kunnátta B2 og enskukunnátta B1 samkvæmt evrópska tungumálarammanum. https://www.rannis.is/media/islenskukennsla/Evropski-tungumalaramminn.pdf

• Þekking og/eða reynsla af opinberum skjala- og upplýsingamálum er kostur.

Á umhverfis- og skipulagssviði er unnið að fjölbreyttum verkefnum sem auðga mannlífið í borginni. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg og þar gegnir starfsfólkið lykilhlutverki með einstakri fagþekkingu í þeim málaflokkum sem sviðið sinnir. Á skrifstofum sviðsins í Borgartúni er verkefnamiðað vinnuumhverfi með nútímalegri vinnuaðstöðu. Vinnustaðurinn leggur áherslu á gagnkvæman sveigjanleika og að stuðla að jafnvægi milli vinnu og einkalífs.

Um er að ræða 100% starf og æskilegt er að viðkomandi geti hafið störf sem fyrst. Launakjör eru samkvæmt kjarasamningi Reykjavíkurborgar og hlutaðeigandi stéttarfélags.

Nánari upplýsingar um starfið veitir Glóey Helgudóttir Finnsdóttir, skrifstofustjóri, [email protected] og Hólmsteinn Jónasson mannauðsráðgjafi, [email protected] .

Auglýsing birt1. september 2025

Umsóknarfrestur12. september 2025

Tungumálahæfni