Sérfræðingur í málefnum hinsegin fólks

Mannréttindaskrifstofa Reykjavíkurborgar leitar að öflugum einstaklingi í 100% starf sérfræðings í málefnum hinsegin fólks.

Í boði er spennandi og fjölbreytt starf á Mannréttindaskrifstofu. Skrifstofan, sem er staðsett í Ráðhúsi Reykjavíkur, þjónustar mannréttindaráð borgarinnar. Skrifstofan ber ábyrgð á að fylgja eftir mannréttindastefnu borgarinnar og er í margs konar samstarfi um mannréttindamál bæði innan borgarinnar og utan. Mikill þungi verkefna starfsmannsins snýr að regnbogavottun Reykjavíkur og almennt að málefnum hinsegin fólks, en einnig mun viðkomandi koma að öðrum verkefnum á sviði mannréttindamála.

Helstu verkefni og ábyrgð

Vinna að og stýra regnbogavottun Reykjavíkurborgar
Ráðgjöf vegna hinsegin málefna
Fræðsla vegna hinsegin mála
Útbúa efni um hinsegin málefni, svo sem bæklinga, gátlista, rafrænar fræðslur, halda úti vefsíðum
Halda utan um aðild borgarinnar að Rainbow Cities Network
Gerð umsagna innan og utan borgarinnar
Ráðgjöf til leik- og grunnskóla um málefni hinsegin barna
Innleiðing og eftirfylgni laga og stefna er snerta sérstaklega hinsegin fólk
Aðkoma að viðburðum borgarinnar sem snerta hinsegin málefni

Menntunar- og hæfniskröfur

Framhaldsgráða sem nýtist í starfi
Þekking á hinsegin samfélaginu nauðsynleg
Reynsla af verkefnastjórnun æskileg
Þekking á eða reynsla af stjórnsýslu æskileg
Reynsla af því að veita fræðslu æskileg
Skipuleg og fagleg vinnubrögð
Frumkvæði og sjálfstæði í starfi
Góð hæfni í mannlegum samskiptum.
Íslenskukunnátta C2, enskukunnátta C1 skv. samevrópska tungumálarammanum og reynsla í miðlun upplýsinga í ræðu og riti á þeim tungumálum
Færni til að tileinka sér nýja þekkingu og vinnubrögð