Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Störf við umönnun á B-4 Fossvogi

Við leitum eftir jákvæðum og lífsglöðum einstaklingum sem hafa áhuga á að hjúkra öldruðum. Starfið hentar vel hjúkrunarnemum og sjúkraliðanemum.

Bráðaöldrunarlækningadeild B-4 í Fossvogi er 20 rúma bráðadeild og fer þar fram greining og meðferð bráðra sjúkdóma hjá öldruðum. Á deildinni starfar samhentur þverfaglegur hópur. Góður starfsandi er ríkjandi sem einkennist af vinnugleði og metnaði og markvisst er unnið að umbótum og framþróun. Lögð er áhersla á góð samskipti við sjúklinga, fjölskyldur þeirra og samstarfsfólk á deild.

Vinnutími og starfshlutfall er eftir samkomulagi og dagvinna kemur vel til greina. Við tökum vel á móti nýliðum og veitum góða aðlögun. Áhugasamir hafi samband við Sólbjörgu, deildarstjóra. Það er velkomið að kíkja í heimsókn.

Vinnuvika starfsfólks í fullri vaktavinnu er 36 stundir sem getur orðið enn minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Menntunar- og hæfniskröfur

Jákvætt viðmót og góð samskiptahæfni

Áhugi á hjúkrun aldraðra

Íslenskukunnátta áskilin

Reynsla af þjónustustarfi eða starfi á heilbrigðisstofnun kostur

Einstaklingur þarf að hafa náð 18 ára aldri að lágmarki

Helstu verkefni og ábyrgð

Umönnun einstaklinga í samvinnu við aðra fagaðila

Þátttaka í þverfaglegri teymisvinnu

Starfshlutfall: 60-100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Umsókn fylgi náms- og starfsferilskrá ásamt kynningarbréfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarnemi, sjúkraliðanemi, sérhæfður starfsmaður, umönnun

Tungumálahæfni: íslenska 3/5

Nánari upplýsingar

Sólbjörg Sólversd. Vestergaard , [email protected], 824-1204

Bráðaöldrunarlækningadeild

Fossvogi

108 Reykjavík

Auglýsing birt1. ágúst 2025

Umsóknarfrestur11. ágúst 2025

Tungumálahæfni

Íslenska

Nauðsyn

Meðalhæfni

Staðsetning

Fossvogur, 108 Reykjavík

Starfstegund

Starfsgreinar

Starfsmerkingar

Fleiri störf (48)

Ráðgjafi/ stuðningsfulltrúi á barna- og unglingageðdeild