Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Vinnustaðurinn

Velferðarsvið: Háskólamenntaður starfsmaður í skammtímaþjónustu Þórunnarstræti 99 Akureyri

Velferðarsvið Akureyrarbæjar óskar eftir að ráða háskólamenntaðan einstakling í þjónustu við fötluð börn í skammtímaþjónustuna Þórunnarstræti 99. Um er að ræða 80-100% ótímabundið starf þar sem unnið er í vaktavinnu. Æskilegt er að viðkomandi geti hafið störf sem fyrst eða eftir samkomulagi.

Háskólamenntaður starfsmaður í skammtíma- og skólavistun starfar hjá velferðarsviði Akureyrarbæjar eftir hugmyndafræði valdeflingar og þjónandi leiðsagnar eða annarri hugmyndafræði sem mætir þörfum notenda og ákveðin er af sviðinu.

Helstu verkefni og ábyrgð

Að veita gestum skammtímaþjónustu einstaklingsbundinn, félagslegan stuðning og aðstoð við athafnir daglegs lífs.
Veitir faglega ráðgjöf og stuðning við börn og starfsfólk.
Tekur þátt í faglegri uppbyggingu og skipulagningu á einstaklingsmiðaðri þjónustu í samstarfi við forstöðumann og aðra fagaðila.
Samskipti við ýmsa þjónustuaðila og aðstandendur.
Tekur þátt í gerð þjónustuáætlana og dagsskipulags.
Vinnur náið með forstöðumanni, deildarstjóra og öðrum fagaðilum og er leiðbeinandi við starfsfólk um fagleg vinnubrögð á starfsvettvangi.
Tekur þátt í mótun starfseminnar.
Tryggir mönnun vaktar skv. fyrirliggjandi þörfum.
Tekur þátt í öllum almennum heimilisstörf.
Tekur þátt í sí- og endurmenntun.
Önnur verkefni sem starfsmanni eru falin af yfirmanni.

Menntunar- og hæfniskröfur

Háskólamenntun (B.S., B.A., B.Ed ) sem nýtist í starfi, s.s. á félags-, heilbrigðis- eða uppeldissviði.
Hæfileika og áhugi á að starfa með fólki og góð samskiptahæfni.
Reynsla af starfi við persónulega aðstoð og starfi með börnum er kostur og þarf að koma fram í umsókn.
Reynsla af teymisvinnu er kostur.
Góð almenn tölvukunnátta.
Æskilegt að viðkomandi hafi unnið með fötluðu fólki og sýnt lipurð og þekkingu í fyrri störfum.
Sveigjanleiki, samviskusemi og jákvætt viðhorf til fólks og vinnu sinnar.
Sjálfstæði í störfum og frumkvæði.
Gott líkamlegt atgervi.
Talar, skrifar og skilur vel íslensku.
Umsækjandi þarf að hafa bílpróf.