Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Almennur læknir á húð- og kynsjúkdómalækningar

Húð- og kynsjúkdómalækningar á Landspítala auglýsa lausa stöðu almenns læknis. Tilvalið fyrir lækni sem hefur áhuga á húð- og kynsjúkdómalækningum og vill kynnast starfinu betur. Starfshlutfall er 100% og er starfið laust frá 1. september 2025. Um er að ræða tímabundið starf í 6-12 mánuði, eða eftir nánara samkomulagi. Starfið er unnið í dagvinnu án vakta. Tekið skal fram að auglýst staða telst hvorki til formlegs sérnáms né sérfræðiréttinda á Íslandi eða í öðrum Evrópuríkjum.

Við húð- og kynsjúkdómalækningar starfar þverfaglegt teymi sérfræðilækna og almennra lækna í nánu samstarfi við aðrar fagstéttir. Áhersla er lögð á góða þjónustu, virka teymisvinnu og stöðugar umbætur í þágu sjúklinga. Við tökum vel á móti nýju starfsfólki og veitum góða aðlögun.

Menntunar- og hæfniskröfur

Hafa lokið sérnámsgrunni eða sambærilegu starfsnámi, sem samþykkt hefur verið af kennsluráði sérnámsgrunns, við upphaf starfs

Íslenskt lækningaleyfi

Reynsla af lyflækningum er kostur

Góð færni í mannlegum samskiptum

Öguð vinnubrögð

Að lágmarki B2 tungumálafærni í íslensku, nema um annað hafi verið samið sérstaklega

Helstu verkefni og ábyrgð

Þjálfun í húð- og kynsjúkdómalækningum með þátttöku í klínísku starfi á göngu- og legudeild

Vinna við ráðgjöf undir umsjón sérfræðilækna

Kennsla lækna í sérnámsgrunni, læknanema og annarra fagstétta heilbrigðisstarfsmanna, eftir því sem við á

Þátttaka í vísindastarfi, þróunar- og gæðaverkefnum

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf
Mögulega umsagnaraðila

Nauðsynleg fylgiskjöl:

Starfsferilsskrá
Vottað afrit af prófskírteini og starfsleyfi
Staðfesting um lok sérnámsgrunns eða áætluð lok ef því er ekki nú þegar lokið. Læknar sem lokið hafa námi erlendis og ætla að fá sérnámsgrunn metinn þurfa að senda erindi á kennsluráð sérnámsgrunns á Íslandi ( sendist á formann kennsluráðsins, Ingu Sif Ólafsdóttur, ) og fá staðfestingu þess efnis að þeirra nám sé sambærilegt íslenska sérnámsgrunnsárinu.

Ákvörðun um ráðningu byggist á innsendum gögnum og viðtölum eftir því sem við á. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, læknir með lækningaleyfi, læknir

Tungumálahæfni: Íslenska 4/5

Nánari upplýsingar

Jónas Aðalsteinn Aðalsteinsson, [email protected],

Húð- og kynsjúkdómalækningar

Fossvogi

108 Reykjavík

Auglýsing birt17. júlí 2025

Umsóknarfrestur11. ágúst 2025

Tungumálahæfni

Íslenska

Nauðsyn

Mjög góð

Staðsetning

Fossvogur, 108 Reykjavík

Starfstegund

Starfsgreinar

Starfsmerkingar

Fleiri störf (50)