Laus störf Hæfnileit Vinnustaðir Námskeið

Síminn

Síminn er traust og framsækið fyrirtæki á sviði fjarskipta og afþreyinga sem vill laða til sín framúrskarandi starfsfólk. Við erum fjölskylduvænn vinnustaður og leggjum áherslu á sterka liðsheild, hvetjandi starfsumhverfi og tækifæri til starfsþróunar og vaxtar. Hjá okkur hefur þú aðgang að framúrskarandi mötuneyti, fyrsta flokks kaffihúsi ásamt frábæru samstarfsfólki auk þess sem boðið er upp á búningsaðstöðu fyrir starfsfólk. Við viljum hafa gaman í vinnunni og bjóðum reglulega upp á fjölbreytta innanhúss viðburði af ýmsu tagi. Ef þú ert að leita að spennandi verkefnum, frábæru samstarfsfólki og lifandi vinnuumhverfi þá er Síminn góður kostur fyrir þig. Síminn hlaut jafnlaunavottun Jafnréttisstofu árið 2018, fyrst allra fjarskiptafyrirtækja á Íslandi. Í anda jafnréttisstefnu Símans hvetjum við öll kyn til að sækja um hjá Simanum. Gildi Símans eru skapandi, fagleg og árangursdrifin.

Vinnustaðurinn

Forstöðumaður sölu og þjónustuvers Símans

Síminn leitar að reynslumiklum og framsýnum leiðtoga til að leiða sölu- og þjónustuver félagsins. Um er að ræða lykilhlutverk þar sem viðkomandi mun bera ábyrgð á þróun og rekstri á sölu- og þjónustuveri Símans með áherslu á framúrskarandi þjónustu, árangursríka sölu og stöðugar umbætur. Viðkomandi mun leiða öflugt teymi stjórnenda og gegna lykilhlutverki í að tryggja framúrskarandi upplifun viðskiptavina og árangur starfseminnar.

Starfið heyrir beint undir framkvæmdastjóra einstaklingssviðs og felur í sér náið samstarf við stjórnendateymi Símans.

Helstu verkefni og ábyrgð

Móta og innleiða árangursdrifna stefnu sem sameinar þjónustugæði, söluárangur og stöðugar umbætur
Greina tækifæri til þróunar og aukinnar skilvikirkni í sölu- og þjónustuferlum
Leiða umbreytinga- og þróunarverkefni með skýrri markmiðasetningu, mælikvörðum og eftirfylgni

Við leitum að einstaklingi sem hefur

Háskólamenntun sem nýtist í starfi
Umfangsmikla reynslu af stjórnun viðskiptadrifinnar starfsemi, svo sem sölu, þjónustu eða sambærilegs reksturs
Sýndan árangur af rekstri, stefnumótun og innleiðingu breytinga
Umtalsverða reynslu í að leiða teymi, byggja upp árangursdrifna menningu og ná settum markmiðum
Sterkan viðskiptaskilning ásamt framúrskarandi samskipta- og leiðtogahæfni

Fríðindi í starfi

Afslættir af vörum og þjónustu Símans
Rafmagnsbílastæði, hjólageymslur og búningsaðstaða
Aðgengi að velferðarþjónstu Heilsuverndar
Árlegur líkamsræktarstyrkur
Námsstyrkir
Samgöngustyrkur vegna vistvænna samgangna til og frá vinnu
Gleraugnastyrkur

Aðrar upplýsingar

Síðan 1906 hefur Síminn tengt heimili og fyrirtæki á Íslandi við umheiminn. Við leggjum áherslu á að veita einstaklingum og fyrirtækjum framúrskarandi lausnir byggðar á fyrsta flokks tækni með hraða, öryggi og þjónustu að leiðarljósi. Við byggjum á sterkri liðsheild og kunnum að meta jákvætt, árangursdrifið og lausnamiðað hugarfar. Síminn vill laða til sín framúrskarandi starfsfólk og lögð er mikil áhersla á vellíðan, hvetjandi umhverfi, tækifæri til vaxtar, jafnrétti og fjölbreytileika.

Umsóknarfrestur er til og með 24. júní 2026.

Sótt er um starfið á vef Símans. Nánari upplýsingar veitir [email protected]

Við metum umsóknir jafnóðum og þær berast og boðum í viðtöl eftir því sem við á. Ráðið verður í starfið þegar við finnum rétta einstaklinginn í hlutverkið.

Í anda jafnréttisstefnu Símans hvetjum við öll kyn til að sækja um.

Auglýsing birt15. júní 2026

Umsóknarfrestur24. júní 2026

Tungumálahæfni