Sveitarstjóri Súðavíkurhrepps

Súðavíkurhreppur óskar eftir að ráða öflugan og framsýnan leiðtoga í starf sveitarstjóra. Sveitarstjóri gegnir lykilhlutverki í þróun og uppbyggingu sveitarfélagsins og ber ábyrgð á daglegum rekstri þess í samstarfi við sveitarstjórn, starfsfólk og íbúa. Um er að ræða fjölbreytt og krefjandi starf þar sem reynir á leiðtogahæfni, frumkvæði og góða samskiptafærni.

Starfssvið sveitarstjóra:

• Ábyrgð á framkvæmd ákvarðana sveitarstjórnar
• Yfirumsjón með skipulagi og virkni stjórnsýslu sveitarfélagsins
• Daglegur rekstur sveitarfélagsins og starfsmannamál
• Undirbúningur og upplýsingagjöf á fundum sveitarstjórnar og nefnda
• Hagsmunagæsla og samskipti við íbúa, stofnanir, samtök og fyrirtæki
• Leiða uppbyggingu og eflingu atvinnulífs á svæðinu
• Vinna að stefnu og framtíðarsýn í málefnum sveitarfélagsins

Menntunar- og hæfniskröfur:

• Háskólamenntun sem nýtist í starfi
• Farsæl reynsla af stjórnun, rekstri og fjármálum
• Þekking og reynsla af opinberri stjórnsýslu er æskileg
• Reynsla af störfum á sveitarstjórnarstigi er æskileg
• Þjónustulund og framúrskarandi hæfni í mannlegum samskiptum
• Leiðtogahæfni, frumkvæði og skipulögð vinnubrögð
• Áhugi og reynsla á uppbyggingu og eflingu atvinnulífs
• Geta til að tjá sig í ræðu og riti

Um Súðavíkurhrepp:
Í Súðavíkurhreppi búa rúmlega 200 íbúar og er sveitarfélagið staðsett við sunnanvert Ísafjarðardjúp á norðanverðum Vestfjörðum og er því stærsti þéttbýliskjarninn. Atvinnulíf sveitarfélagsins byggir á sterkum stoðum sjávarútvegs, fiskeldis, ferðaþjónustu og fjölbreyttrar þjónustustarfsemi.
Súðavík er öflugt og samheldið samfélag þar sem lögð er áhersla á fjölskylduvænt umhverfi, gott skólastarf og fjölbreytt tækifæri til útivistar. Náttúra Vestfjarða er allt um kring og lífsgæðin einstök.
Framundan eru spennandi tímar í atvinnuuppbyggingu sveitarfélagsins. Á hafsæknu iðnaðarsvæði við höfnina er hafin uppbygging kalkþörungaverksmiðju sem markar upphaf nýs vaxtarskeiðs í verðmætasköpun og nýsköpun á svæðinu. Samhliða þeirri uppbyggingu liggja fyrir veruleg tækifæri til frekari atvinnuþróunar, fjárfestinga og nýrrar starfsemi á iðnaðarsvæðinu.
Súðavíkurhreppur stendur því á tímamótum þar sem metnaðarfull framtíðarsýn, öflug innviðauppbygging og ný atvinnusókn skapa einstakt tækifæri fyrir sveitarstjóra til að leiða sveitarfélagið inn í nýjan kafla vaxtar og þróunar.
Frekari upplýsingar um sveitarfélagið má finna á www.sudavik.is

Umsóknarfrestur er til og með 15. júní 2026. Umsókn óskast fyllt út á www.intellecta.is og með henni þarf að fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Áhugasamir einstaklingar, óháð kyni, eru hvattir til að sækja um starfið. Launakjör eru samkvæmt gildandi kjarasamningi Sambands íslenskra sveitarfélaga við viðkomandi stéttarfélag.
Nánari upplýsingar um starfið veita Sigríður Svava Sandholt ([email protected]) og Thelma Kristín Kvaran ([email protected]) í síma 511 1225.