Seltjarnarnesbær - Deildarstjóri reikningshalds

Við leitum að starfsmanni sem hefur metnað til að ná árangri, vinnur sjálfstætt og býr yfir góðri samskiptahæfni. Ef þú hefur gaman af því að vinna með fólki og vilt taka þátt í að skapa jákvæð áhrif í öflugu teymi, þá er þetta starf fyrir þig.

Um fullt starf er að ræða á fjármálasviði sem starfar þvert á önnur svið bæjarins. Fjármálasvið sinnir m.a., reikningshaldi, fjárhagsáætlun, fjárstýringu, launavinnslu, innheimtu og fleira.

Deildarstjóri reikningshalds ber ábyrgð á bókhaldi Seltjarnarnesbæjar, stýrir bókhaldsvinnu sveitarfélagsins, gerð uppgjörs, þróun verkferla og stýringu fjárhagsupplýsingakerfa. Fjárhagskerfi Seltjarnarnesbæjar er Microsoft Dynamics 365 Business Central.