Laus störf Hæfnileit Vinnustaðir Námskeið

Grindavíkurbær

Grindavík er öflugt og samheldið samfélag sem hefur á undanförnum misserum staðið frammi fyrir krefjandi aðstæðum vegna jarðhræringa. Sveitarfélagið vinnur markvisst að enduruppbyggingu með áherslu á öryggi, velferð íbúa og sterka innviði til framtíðar. Grindavík hefur verið einn öflugasti útgerðarbær landsins með kraftmiklum og vel reknum útgerðar- og fiskvinnslufyrirtækjum, og ferðaþjónusta hefur þróast hratt með Bláa lónið sem einn fjölsóttasta áfangastað landsins í næsta nágrenni. Samfélagið leggur ríka áherslu á fjölskyldugildi, öflugt íþróttastarf og góða þjónustu við íbúa. Náttúra svæðisins er sérstök og fjölbreytt, með stutt í gönguleiðir og vinsælan 18 holu golfvöll. Grindavík byggir á sterkum grunni og miklum vilja til að þróa áfram kraftmikið og sjálfbært samfélag til framtíðar.

Vinnustaðurinn

Bæjarstjóri

Grindavík hefur á undanförnum misserum tekist á við fordæmalausar aðstæður sem kallað hafa á skýra forystu og samheldni. Bæjarstjóri gegnir lykilhlutverki í endurreisn og uppbyggingu Grindavíkur í nánu samstarfi við bæjarstjórn, starfsfólk, íbúa, atvinnulíf og stjórnvöld. Framundan er mikilvægt tímabil þar sem áhersla er lögð á enduruppbyggingu samfélagsins, styrkingu þjónustu og innviða og áframhaldandi þróun öflugs atvinnulífs.

Helstu verkefni og ábyrgð

Dagleg stjórnun og rekstur Grindavíkurbæjar
Framkvæmd ákvarðana bæjarstjórnar og stefnumótun í samstarfi við kjörna fulltrúa
Forysta í áframhaldandi uppbyggingu samfélagsins og þjónustu við íbúa
Ábyrgð á fjárhagsáætlun, áætlanagerð og eftirfylgni
Mannauðsstjórnun og áframhaldandi uppbygging öflugrar stjórnsýslu
Samskipti við íbúa, atvinnulíf, stjórnvöld og samstarfsaðila
Undirbúningur funda bæjarstjórnar og nefnda

Menntunar- og hæfniskröfur

Menntun sem nýtist í starfi
Farsæl reynsla af stjórnun og rekstri
Þekking og reynsla af opinberri stjórnsýslu er kostur
Framúrskarandi samskipta- og leiðtogahæfni
Reynsla af stefnumótun og flóknum breytingaferlum
Stefnumótandi hugsun og áhugi á uppbyggingu samfélagsins
Seigla og hæfni til að vinna undir álagi og stýra flóknum verkefnum af fagmennsku

Nánari upplýsingar:

Geirlaug Jóhannsdóttir – [email protected]

Auglýsing birt4. júní 2026

Umsóknarfrestur18. júní 2026

Tungumálahæfni