Verkefnastjóri hjá Rannsóknarsetri skapandi greina

Rannsóknasetur skapandi greina (RSSG) leitar að drífandi og áreiðanlegri manneskju í tímabundið starf verkefnastjóra. Viðkomandi þarf að hafa reynslu af verkefnastjórnun og miðlun, þekkingu á menningu og skapandi greinum og áhuga á rannsóknum á þessu sviði.

Að RSSG standa Háskólinn á Bifröst, Háskólinn á Akureyri, Háskólinn á Hólum, Háskóli Íslands og Listaháskóli Íslands.

Helstu verkefni og ábyrgð

Skipulagning og framkvæmd viðburða, þ.m.t. samtals um skapandi greinar
Umsjón með miðlun RSSG, þ.m.t. á vefsíðu, samfélagsmiðlum og í fréttabréfi
Samskipti við innlenda og erlenda samstarfsaðila og hagaðila
Vinna í rannsóknum og greiningum á vegum RSSG
Vinna í umsóknum um rannsóknastyrki og annarri fjármögnun verkefna

Menntunar- og hæfniskröfur

Háskólamenntun sem nýtist í starfi
Reynsla af verkefna- eða viðburðastjórnun
Reynsla af miðlun og samskiptum
Þekking og áhugi á menningu og skapandi greinum
Frumkvæði, skipulagshæfni, sjálfstæði og sveigjanleiki
Reynsla af rannsóknum á sviði hug- og/eða félagsvísinda er kostur

Um er að ræða tímabundna afleysingu 10-12 mánaða. Starfshlutfall 50% eða eftir frekara samkomulagi. Hægt er að fá starfsaðstöðu í Reykjavík eða á Hvanneyri en starfið er að mestu leyti óháð staðsetningu. Verkefnastjóri þarf þó að geta mætt á fundi og viðburði setursins í Reykjavík a.m.k. 1-2 í mánuði.

Umsóknafrestur er til og með 22. júlí 2026. Æskilegt er að umsækjandi geti hafið störf eigi síðar en 01. september 2026

Umsóknir

Með umsókn skal fylgja:

Greinargóð ferilskrá.
Kynningarbréf sem gerir grein fyrir styrkleikum umsækjanda í samhengi starfsins.
Nöfn aðila sem leita má til með umsagnir.
Aðrar upplýsingar sem umsækjandi vill koma á framfæri.

Nánari upplýsingar veitir Erla Rún Guðmundsdóttir, forstöðukona Rannsóknaseturs skapandi greina, í tölvupósti: [email protected].

Auglýsing birt26. júní 2026

Umsóknarfrestur22. júlí 2026

Tungumálahæfni