Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sumarstörf 2025 í geðþjónustu - viltu vera á skrá?

Viltu starfa sumarið 2025 hjá geðþjónustu Landspítala sem ráðgjafi/stuðningsfulltrúi í afleysingum? Hér geturðu skráð inn umsókn. Ráðgjafar/stuðningsfulltrúar sinna líkamlegri og andlegri umönnun sjúklinga, m.a. félagslegri þjálfun og eftirfylgd með líðan og virkni og framfylgja meðferðaráætlunum.

Í boði eru fjölbreytt störf á eftirfarandi starfseiningum geðþjónustu:

Bráðalegudeild lyndisraskana (Hringbraut)
Geðgjörgæsla (Hringbraut)
Geðrofs- og samfélagsgeðteymi (Kleppur)
Réttar- og öryggisgeðdeildir (Kleppur)
Laugarásinn meðferðargeðdeild (Laugarás)
Legudeild geðrofssjúkdóma (Hringbraut)
Legudeild lyndisraskana (Kleppur)
Meðferðareining geð- og fíknisjúkdóma (Hringbraut)
Útkallsteymi yfirsetu (ýmsar deildir Landspítala)

Vinsamlega skráið deildir sem þið helst viljið starfa á í reitinn "annað" neðst á umsóknareyðublaðinu. Mikilvægt er að umsókn sé vel fyllt út og fylgigögn sem óskað er eftir séu hengd með. Unnið verður úr umsóknum jafnóðum og þær berast. Áhugasamir eru hvattir til að sækja um sem fyrst.

Landspítali er suðupunktur þekkingar, þróunar og þverfaglegrar samvinnu. Lögð er áhersla á fagmennsku, framþróun og stöðugar umbætur. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Helstu verkefni og ábyrgð

Samskipti, hvatning, leiðbeining og víðtækur stuðningur
Hvetja sjúklinga til að taka þátt í daglegri virkni, framfylgja meðferðarsamningum og meðferðaráætlunum
Virk þátttaka í þverfaglegri teymisvinnu
Stuðla að öryggi sjúklinga og samstarfsfólks með virkri þátttöku í varnarteymi geðsviðs
Umsjón með ýmsum störfum sem snúa að daglegum rekstri deilda
Starfar af heilindum og stuðlar að góðum samstarfsanda

Menntunar- og hæfniskröfur

Áhugi á að starfa með einstaklingum með geðraskanir
Nám sem nýtist í starfi
Reynsla af umönnunarstörfum
Góð samstarfshæfni, færni í samskiptum og færni í teymisvinnu
Jákvætt hugarfar, metnaður, frumkvæði og skapandi hugsun
Stundvísi og reglusemi
Góð almenn tölvukunnátta
Góð íslensku- og enskukunnátta

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Allar umsóknir þurfa að fara rafrænt í gegnum ráðningarkerfi ríkisins. Fylgiskjöl skulu vera á pdf formi

Með umsókn skal fylgja

Starfsferilskrá þar sem nám og fyrri starfsreynsla er tilgreind.
Ef við á stúdentspróf, önnur prófskírteini og/eða staðfesting á hversu mörgum ECTS einingum er lokið í háskóla.

Stjórnendur hafa samband við þá umsækjendur sem þeir hafa hug á að bjóða í viðtal. Tekið er mið af jafnréttisstefnu Landspítala við ráðningar á spítalanum. Forsenda ráðningar sem háskólanemi hjá Landspítala er að viðkomandi skili staðfestum gögnum um námsframvindu um leið og þau liggja fyrir að loknu vormisseri.

Athugið að sækja þarf sérstaklega um ótímabundin störf á Landspítala.

Starfsmerkingar: Heilbrigðisþjónusta, ráðgjafi/stuðningsfulltrúi

Tungumálahæfni: íslenska 4/5 enska 3/5

Nánari upplýsingar

Hulda Dóra Styrmisdóttir, [email protected],

Landspítali

Skaftahlíð

105 Reykjavík

Auglýsing birt31. janúar 2025

Umsóknarfrestur31. mars 2025

Tungumálahæfni

Íslenska

Nauðsyn

Mjög góð

Enska

Nauðsyn

Meðalhæfni

Staðsetning

Skaftahlíð 24, 105 Reykjavík

Starfstegund

Hæfni

Mannleg samskiptiTeymisvinna

Hentugt fyrir

Starfsgreinar

Starfsmerkingar

Fleiri störf (35)