Íþróttafræðingur - Hefur þú áhuga á að vinna á bráðasjúkrahúsi?
Sjúkraþjálfun Landspítala í Fossvogi óskar eftir metnaðarfullum íþróttafræðingi til starfa. Um er að ræða tímabundna ráðningu til 12 mánaða frá 01.maí 2025 með möguleika á áframhaldandi ráðningu. Um er að ræða dagvinnu og er starfshlutfall 80-100%.
Á sjúkraþjálfunardeild B-1 í Fossvogi starfar stór hópur sjúkraþjálfara, sérhæfðra starfsmanna, ritara og er vilji til að bæta íþróttafræðingi í hópinn. Um er að ræða nýtt og spennandi tækifæri til að þróa og móta starf íþróttafræðings á bráðasjúkrahúsi. Íþróttafræðingur verður að miklu leyti með viðveru í æfingasal sem ætlaður er inniliggjandi sjúklingum. Boðið verður upp á stuðning og innleiðingu í starfið hjá sjúkraþjálfurum sem starfa í Fossvogi.
Vinnuvika starfsfólks í fullri dagvinnu er 36 virkar vinnustundir.
- Auka og viðhalda færni sjúklinga í samráði við sjúkraþjálfara
- Skipuleggja og sinna hópþjálfun
- Hvetja til hreyfingar og skipuleggja starf því tengt
- Aðstoða sjúkraþjálfara við meðferð sjúklinga
- Skráning og skýrslugerð
- Fræðsla til sjúklinga og aðstandenda
- Þátttaka í þverfaglegum teymum
- Þátttaka í fagþróun og umbótastarfi
- Íþróttafræðingur / íþróttakennari
- Faglegur metnaður, frumkvæði og ábyrgð í starfi
- Góð hæfni í mannlegum samskiptum og jákvætt viðmót
- Skipulagshæfni og sjálfstæð vinnubrögð
- Góð íslenskukunnátta
Íslenska
