Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Námsstaða ljósmóður í fósturgreiningu

Í boði er námsstaða ljósmóður í fósturgreiningu á meðgönguvernd, fósturgreiningu og bráðaþjónustu kvennadeilda. Staðan er til eins árs, miðað við 80-100% starfshlutfall og ráðið í stöðuna frá 1. september 2025.

Kennsla og aðlögun fer fram á deildinni sem og með námskeiðum erlendis frá. Gert er ráð fyrir að það taki eitt ár í 100% starfi að fá réttindi til að framkvæma fósturgreiningar.

Ljósmæður deildarinnar sinna fósturgreiningu hjá konum á meðgöngu. Náið samstarf er á milli ljósmæðra og lækna á deildinni.

Starf fósturgreinandi ljósmóður er líkamlega krefjandi og skjánotkun er mikil og stöðug. Fjöldi koma í fósturgreiningu eru í kringum 11-12 þúsund á ári hverju. Starfsemi deildarinnar felst í þjónustu við konur og fjölskyldur þeirra á meðgöngu.

Menntunar- og hæfniskröfur

Íslenskt ljósmóðurleyfi

Íslenskt hjúkrunarleyfi er kostur

Reynsla af ljósmæðrastörfum er kostur

Góð samskiptahæfni

Faglegur metnaður

Góð íslenskukunnátta

Helstu verkefni og ábyrgð

Fósturgreining

Ýmis þróunarverkefni í ljósmóðurfræði

Önnur verkefni

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta: Ljósmóðir

Nánari upplýsingar

Jóhanna Ólafsdóttir, [email protected], 6218555

Kristín Rut Haraldsdóttir, [email protected], 543-1000

Meðgönguvernd, fósturgreining og bráðaþjónusta kvennad.

Hringbraut

101 Reykjavík

Auglýsing birt16. apríl 2025

Umsóknarfrestur5. maí 2025

Tungumálahæfni

Engar sérstakar tungumálakröfur

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (17)

Sérfræðilæknir í almennum barnalækningum - Barnaspítali Hringsins