Laus störf Hæfnileit Vinnustaðir Námskeið

Nova

Þann 1. desember 2007 opnaði Nova dyrnar að Stærsta skemmtistað í heimi - internetinu! Síðan þá höfum við lagt ofur áherslu á að hlaupa hratt og vera fyrst með nýjungarnar. Við vorum fyrst allra íslenskra símafyrirtækja til að bjóða upp á 4G, 4.5G og nú síðast 5G. Árið 2016 bætti Nova ljósleiðaraþjónustu í vöruframboð sitt sem byggir á kerfi Ljósleiðarans ehf. Ljósleiðari hjá Nova styður 1000 Mb/s hraða, sem er mesti hraði í heimatengingum á Íslandi. Aðeins það besta fyrir okkar fólk! Nova hefur átt ánægðustu viðskiptavinina í farsímaþjónustu samkvæmt Íslensku ánægjuvoginni sl. 16 ár sem er viðurkenning sem við erum einstaklega þakklát fyrir! Slíkum árangri væri ekki hægt að ná nema með besta liðinu en við leggjum okkur öll fram við það alla daga að skapa besta vinnustaðinn. Nova er skemmtilegur og sveigjanlegur vinnustaður, þar sem mikið er lagt upp úr sjálfstæðum vinnubrögðum, frumkvæði og kappsemi. Þó við segjum sjálf frá, þá er starfsfólk Nova sérlega skemmtilegt, liðsheildin góð og starfsandinn svífur í hæstu hæðum. Við erum sérstaklega stolt, auðmjúk og þakklát fyrir það að hafa fengið nafnbótina Fyrirtæki ársins í fjögur skipti ásamt því að vera Fyrirmyndar fyrirtæki á vegum VR 16 ár í röð og hlotið Jafnlaunavottun 2023-2026. Viltu dansa með okkur?

Vinnustaðurinn

Rekstrarstjóri Nova Appsins

Við leitum að öflugum og metnaðarfullum einstaklingi sem brennur fyrir upplifun viðskiptavina til að leiða rekstur Nova appsins. Rekstrarstjóri Nova appsins gegnir lykilhlutverki í að tryggja að appið sé lifandi og í takt við markaðsáherslur Nova að hverju sinni.

Sem rekstrarstjóri Nova appsins verður þú helsti tengiliður við samstarfsaðila Nova, átt í virku samtali við þróunar- og vöruþróunarteymi, og tryggir að fríðindum og upplifun í appinu fari sífellt fram. Þú ert rödd viðskiptavinarins innan Nova þegar kemur að fríðindum, virkni og upplifun innan appsins. Jafnframt leiðir þú rekstur vinatóna Nova, sem eru órjúfanlegur hluti af Nova appinu, og tryggir að þar sé að finna nýjustu og skemmtilegustu tónlistina fyrir viðskiptavini Nova.

Rekstrarstjóri Nova appsins er hluti af markaðsteymi Nova og styður því einnig við fjölbreytt verkefni markaðsdeildarinnar eftir þörfum.

Um er að ræða tímabundna stöðu til 12 mánaða með möguleika á framhaldi.

Helstu verkefni og ábyrgð

Halda utan um rekstur Nova appsins og tryggja að efni, ásýnd og upplifun séu alltaf fyrsta flokks.
Bera ábyrgð á notkun, virkni og vexti Nova appsins, með það að markmiði að fjölga virkum notendum og auka þátttöku og ánægju innan appsins.
Tryggja stöðugan straum spennandi nýrra fríðinda innan FyrirÞig (2F1, FríttStöff, Klipp, FyrstiSéns) og vinna markvisst að framþróun þeirra.
Vinna náið með þróunar- og vöruþróunarteymi Nova í mótun og umbótum á virkni og upplifun í appinu.
Vera rödd viðskiptavinarins innan Nova og koma endurgjöf og þarfagreiningu skýrt inn í þróunarferlið.
Halda utan um samstarf, samskipti og samningagerð við núverandi og nýja samstarfsaðila sem tengjast fríðindum og upplifun í appinu.
Leiða rekstur Vinatóna Nova og halda utan um samskipti við útgáfufélög, rétthafa og tónlistarfólk.

Menntunar- og hæfniskröfur

Við leitum að einstaklingi sem hefur:

Háskólamenntun sem nýtist í starfi.
Góðan skilning á fríðindakerfum og þarfagreiningu viðskiptavina.
Brennandi áhuga á upplifun viðskiptavina og nýsköpun á því sviði.
Framúrskarandi samskiptafærni og reynslu af samstarfi við ólíka hagaðila.
Getu til að vinna sjálfstætt, skipulega og í teymi.

Umsóknarfrestur er 8. mars

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um færni þína til að gegna starfinu. Hlökkum til að heyra frá þér!

Aðrar upplýsingar

Nova hefur átt ánægðustu viðskiptavinina í farsímaþjónustu samkvæmt Íslensku ánægjuvoginni sl. 17 ár sem er viðurkenning sem við erum einstaklega þakklát fyrir! Slíkum árangri væri ekki hægt að ná nema með besta liðinu en við leggjum okkur öll fram við það alla daga að skapa besta vinnustað í heimi.

Nova er skemmtilegur og sveigjanlegur vinnustaður, þar sem mikið er lagt upp úr sjálfstæðum vinnubrögðum, frumkvæði og kappsemi. Þó við segjum sjálf frá, þá er starfsfólk Nova sérlega skemmtilegt, liðsheildin frábær og starfsandinn svífur í hæstu hæðum.

Við erum sérstaklega stolt, auðmjúk og þakklát fyrir það að hafa fengið nafnbótina Fyrirtæki ársins í fjögur skipti ásamt því að vera Fyrirmyndar fyrirtæki á vegum VR 15 ár í röð og hlotið Jafnlaunavottun 2023-2026.

Viltu kynnast okkur betur? Þú finnur allt um Nova liðið hér: https://www.nova.is/baksvids/fyrirtaekid

Auglýsing birt21. febrúar 2026

Umsóknarfrestur8. mars 2026

Tungumálahæfni