Laus störf Hæfnileit Vinnustaðir Námskeið

Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Ert þú fjölhæf markaðsmanneskja?

Háskólinn í Reykjavík óskar eftir öflugri markaðsmanneskju í samheldið teymi á samskiptasviði. Um er að ræða tímabundna stöðu í 12 mánuði (með möguleika á framlengingu). Viðkomandi mun m.a. sinna efnisgerð (e. content creation) fyrir samfélagsmiðla og vef HR, uppsetningu herferða, gerð markaðsefnis í samstarfi við viðeigandi aðila og akademískar deildir, taka þátt í framhaldsskólakynningum, halda utan um viðburði og taka þátt í almennu markaðs- og kynningarstarfi HR.

Helstu verkefni

Umsjón með efnissköpun, birtingum og herferðum á samfélagsmiðlum
Þátttaka í að móta markaðsherferðir, markhópa og miðlunarleiðir
Markaðssetning á viðburðum í nafni HR
Framhaldsskólakynningar
Textaskrif í tengslum við markaðs- og kynningarefni
Samskipti við innri og ytri hagaðila
Umsjón með viðburðum og kynningum í nafni HR
Umsjón með markaðsefni á vef HR og uppfærsla á efni

Hæfniskröfur

Háskólamenntun sem nýtist í starfi
Reynsla af stafrænni markaðssetningu og notkun Meta Ads Manager
Þekking á Google Ads er kostur
Reynsla af efnissköpun fyrir Instagram Reels og TikTok
Framúrskarandi samskiptahæfni og geta til að vinna vel í hópi
Mjög gott vald á íslensku og ensku, bæði í ræðu og riti

Umsóknir berist rafrænt í gegnum umsóknarvef Háskólans í Reykjavík.

Umsóknarfrestur er til og með 1. mars 2026.

Allar nánari upplýsingar veitir mannauðsdeild Háskólans í Reykjavík, [email protected], og Ásthildur Gunnarsdóttir, forstöðumaður samskiptasviðs, [email protected].

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 3.600 í sjö deildum og starfsfólk er um 330 talsins, auk 350 stundakennara.

Auglýsing birt18. febrúar 2026

Umsóknarfrestur1. mars 2026

Tungumálahæfni