Laus störf Hæfnileit Vinnustaðir Námskeið

Íslandsstofa

Íslandsstofa er samstarfsvettvangur atvinnulífsins og stjórnvalda og hefur það hlutverk að auka gjaldeyristekjur þjóðarinnar með þróttmiklu starfi í þágu íslenskra útflutningsgreina. Með faglegu kynningarstarfi og samræmdum skilaboðum vekjum við áhuga á íslenskum vörum og þjónustu á erlendri grundu og kynnum Ísland sem ákjósanlegan áfangastað erlendra ferðamanna og vænlegum kosti fyrir beina erlenda fjárfestingu. Með fræðslu og ráðgjöf eflum við samkeppnishæfni íslenskra fyrirtækja og búum þau undir sókn á erlenda markaði. Í samstarfi við miðstöðvar skapandi greina vekjum við athygli á íslenskri menningu og listum og styðjum við kynningu á þeim erlendis

Vinnustaðurinn

Verkefnastjóri á markaðssamskiptasviði

Íslandsstofa leitar að drífandi og skipulögðum verkefnastjóra til að ganga til liðs við markaðssamskiptasvið. Starfið felur í sér umsjón, skipulag og samhæfingu á fjölmiðlafyrirspurnum, blaðamannaferðum og viðburðum þvert á ólíka útflutningsgeira Íslandsstofu.

Viðkomandi mun vera hluti af almannatengslateymi markaðssamskiptasviðs og vinnur náið með öðrum teymum innan Íslandsstofu, PR-skrifstofum, hagaðilum og samstarfsaðilum innanlands og erlendis. Starfið krefst skipulags, fagmennsku og samskiptahæfni.

Um er að ræða tímabundna stöðu í 12 mánuði, með möguleika á áframhaldi.

Helstu verkefni og ábyrgð

Umsjón með fjölmiðlafyrirspurnum í gegnum HubSpot CRM kerfi.

Veita blaðamönnum upplýsingar, tengla og myndir.

Samhæfa daglegar fyrirspurnir við PR-skrifstofur, hagaðila og birgja.

Umsjón með bókunum á ferðalögum, gistingu, viðburðaraðstöðu, afþreyingu og veitingum.

Viðvera í blaðamannaferðum og á viðburðum eins og við á.

Þátttaka í stefnumótun og samhæfingu aðgerða.

Menntunar- og hæfniskröfur

Háskólamenntun sem nýtist í starfi, t.d fjölmiðlafræði, ferðamálafræði, verkefnastjórnun eða fleiri tengdum greinum.

Reynsla af verkefnastjórnun, viðburðahaldi eða skipulagi sambærilegra verkefna.

Framúrskarandi samskiptahæfni og þjónustulund.