Laus störf Hæfnileit Vinnustaðir Námskeið

Hornsteinn ehf

Eignarhaldsfélagið Hornsteinn ehf. á og rekur tvö dótturfélög, BM Vallá og Björgun-Sement sem eiga sér rótgróna sögu á Íslandi. Þau byggja starfsemi sína á sterkri gæða- og þjónustuvitund enda mynda þau saman hornstein í íslenskum byggingariðnaði þar sem miklar kröfur eru gerðar til gæða og endingar íslenskra mannvirkja. Umhverfismál og sjálfbær nýting auðlinda er rauður þráður í starfseminni og er markvisst unnið að lausnum sem hafa jákvæðari umhverfisáhrif. Hjá fyrirtækjunum starfar fjölbreyttur og samhentur hópur fólks að því að gera mannvirkjagerð á Íslandi umhverfisvænni.

Vinnustaðurinn

Sumarstarf: Skrifstofu- og þjónustufulltrúi

Fjölbreytt og skemmtilegt starf á fjármálasviði Hornsteins.

Eignarhaldsfélagið Hornsteinn ehf. óskar eftir að ráða einstakling í tímabundið starf á fjármálasvið félagsins. Hornsteinn er móðurfélag BM Vallá og Björgunar-Sements og sér um reikningagerð, innheimtu, fjárhagsbókhald, greiðslur reikninga, tölvuumsjón og gæðamál fyrir dótturfélögin.

Um er að ræða 100% starf í sumarafleysingum. Skilgreindur vinnutími er frá 8-16.

Helstu verkefni og ábyrgð

Skönnun reikninga og bókhaldsverkefni
Umsjón með fundaherbergi og undirbúningi
Móttaka gesta
Innkaup á skrifstofu-og rekstrarvörum
Umsjón með kaffistofu
Önnur tilfallandi verkefni á fjármálasviði

Menntunar- og hæfniskröfur

Rík þjónustulund, samskiptafærni, lipurð og jákvætt viðmót
Haldgóð menntun sem nýtist í starfi
Almenn og góð tölvukunnátta er skilyrði
Reynsla af bókhaldsstörfum er kostur
Samviskusemi og snyrtimennska
Sveigjanleiki og frumkvæði í starfi
Mjög góð íslenskukunnátta og færni í ensku

Hvers vegna að starfa hjá Hornstein

1) Áherslur í umhverfismálum

Við vinnum að því að gera mannvirkjagerð landsins umhverfisvænni með vörum og lausnum sem hafa jákvæðari umhverfisáhrif. Umhverfismál, sjálfbærni, gæði og góð þjónusta er sameiginlegur drifkraftur okkar og hvetur okkur áfram í starfi.

2) Áherslur á vellíðan og öryggi

Við leggjum áherslu á öryggismál og vellíðan með sterka öryggismenningu - enda eiga allir að koma heilir heim eftir vinnudaginn. Starfsfólk er hvatt til þess að leggja rækt við andlega og líkamlega heilsu. Við erum fjölskylduvænn vinnustaður, bjóðum upp á góða heilsuverndarþjónustu og frían hádegismat (utan hlunnindaskatt).

3) Áherslur á liðsheild

Við vitum að gott samstarf er lykillinn að árangri. Þess vegna byggjum við upp öfluga liðsheild og tryggjum starfsskilyrði sem stuðla að starfsánægju og starfsþróun. Reglulegir viðburðir og öflugt starfsmannafélag skapa skemmtilegar samverustundir með vinnufélögum og mökum.

4) Áherslur á fræðslumál

Við styðjum við bakið á fróðleiksfúsum starfsmönnum og starfrækjum fræðslukerfið Samsteypuna til að halda utan um stafrænt fræðsluefni fyrir starfsfólk. Starfsfólk af erlendum uppruna fær einnig aðgang að stafrænum íslenskukennara til að efla íslenskukunnáttu.

Smelltu á hlekkinn til að fræðast meira um vinnustaðinn.

Um fyrirtækið

Eignarhaldsfélagið Hornsteinn er móðurfélag BM Vallá og Björgun-Sement. Hjá þessum fyrirtækjum starfar fjölbreyttur og samhentur hópur fólks að því markmiði að gera mannvirkjagerð á Íslandi umhverfisvænni og sjálfbærari.

Starfsfólk móður- og dótturfélaga er nálægt 200 talsins. Við erum fjölþjóðlegur vinnustaður sem leggur áherslu á fjölbreytileika, ólíka menningu og breiðan bakgrunn starfsfólks.

Komdu í lið með okkur og tökum höndum saman um að byggja vistvænni framtíð.
Við biðjum umsækjendur um að senda okkur rafræna starfsumsókn í gegnum Alfreð.

Auglýsing birt20. febrúar 2026

Umsóknarfrestur15. mars 2026

Tungumálahæfni