Laus störf Hæfnileit Vinnustaðir Námskeið

Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Ráðning þroskaþjálfa eða annars háskólamenntaðs sérfræðings til starfa á íbúðakjarna fyrir fólk með fötlun - Drekavellir

Hafnarfjarðarbær óskar eftir að ráða til starfa þroskaþjálfa eða starfsmann með sambærilega menntun sem nýtist í starfi. Um er að ræða lærdómsríkt starf á heimili fatlaðs fólks, staðsett á Völlunum. Unnið er eftir hugmyndafræði Þjónandi leiðsagnar og sjálfstætt líf.

Spennandi og skemmtilegt starf, með fjölbreyttum verkefnum í vaktavinnu. Viðkomandi þarf að geta unnið morgun, kvöld og helgarvaktir. Við erum að óska eftir starfsmanni í 80 % starfshlutfall. Viðkomandi þarf að geta hafið störf í ágúst.

Helstu verkefni og ábyrgð:

Framfylgir hlutverki og markmiðum starfsstöðvar
Sinnir faglegum verkefnum starfsstöðvarinnar undir stjórn forstöðumanns
Tekur þátt í fræðslu og faglegum stuðningi við dagleg störf starfsmanna
Stuðla að virkni, velferð og vellíðan þjónustunotanda
Veita íbúum stuðning við athafnir daglegs lífs
Hafa gaman í vinnunni, vera öðrum fyrirmynd og sýna frumkvæði
Fylgja þjónustuáætlunum og verklagsreglum
Virkja íbúa til þátttöku í samfélaginu og tómstundum
Almenn heimilisstörf
Samskipti við ýmsa þjónustuaðila
Önnur verkefni sem yfirmaður felur starfsmanni

Hæfniskröfur:

Háskólamenntun á sviði þroskaþjálfafræða, félagsvísinda eða önnur háskólamenntun sem nýtist í starfi. Starfsleyfi á viðeigandi sviði
Reynsla af sambærilegum störfum með fötluðu fólki æskileg
Samstarfs og skipulagshæfileikar
Sjálfstæði í starfi, frumkvæði og samviskusemi
Áhugi á málefnum fatlaðs fólks
Íslenskukunnátta A2 samkvæmt samevrópska tungumálaramma
Þjónustulund og jákvæðni í starfi
Hæfni í mannlegum samskiptum
Góð tölvukunnátta
Líkamleg geta til að sinna krefjandi verkefnum á vinnustaðnum
Ökuréttindi skilyrði

Skilyrði er að viðkomandi hafi náð 20 ára aldri og hafi hreint sakavottorð.

Umsókn fylgi greinargóð ferilskrá ásamt leyfisbréfi.

Frekari upplýsingar um starfið Berglind Brynjarsdóttir, forstöðuþroskaþjálfi í síma: 664-5726, netfang: [email protected]

Laun samkvæmt gildandi kjarasamningi Sambands íslenskra sveitarfélaga við Starfsmannafélag Hafnarfjarðar.

Umsóknarfrestur er til og með 13.júlí 2026

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Auglýsing birt29. júní 2026

Umsóknarfrestur7. júlí 2026

Tungumálahæfni

Íslenska

Nauðsyn

Meðalhæfni

Staðsetning

Strandgata 6, 220 Hafnarfjörður

Starfstegund

Starfsgreinar

Starfsmerkingar

Fleiri störf (22)