Kópavogsbær

Kópavogur er næststærsta sveitarfélag landsins með yfir 40.000 íbúa. Kópavogsbær er einn af stærstu vinnuveitendum landsins en hjá sveitarfélaginu starfa að jafnaði um 2.700 einstaklingar á fjölbreyttum starfstöðum um allan bæ. Starfsfólki fjölgar um tæplega 2.000 manns á sumrin þegar sumastarfsmenn mæta til starfa og Vinnuskólinn hefur störf. Starfsfólk Kópavogsbæjar sinnir margvíslegum verkefnum sem miða að því að veita íbúum bæjarins sem allra bestu þjónustu og tryggja velferð þeirra um leið. Hjá Kópavogsbæ eru þrjú fagsvið, menntasvið, umhverfissvið og velferðarsvið og fjórar skrifstofur sem starfa þvert á sviðin, skrifstofa umbóta og þróunar, skrifstofa þjónustu, skrifstofa mannauðs- og kjaramála og skrifstofa áhættu- og fjárstýringar. Öll störf hjá bænum falla undir eitt af þessum sviðum eða skrifstofum. Mannauðsstefna Kópavogsbæjar byggir á gildum Kópavogs en þau eru framsækni, virðing, heiðarleiki og umhyggja. Kópavogsbær hefur það einnig að markmiði að vera vinnustaður þar sem öll hafa jöfn tækifæri í starfi. Hjá Kópavogsbæ er tekið mið af jafnréttisáætlun en hægt er að lesa sér til um bæði mannauðs- og jafnlaunastefnu bæjarins hér til hliðar. Starfsfólk Kópavogsbæjar hefur einnig fríðindi en fyrir starfsfólk er í boði að fá líkamsræktarstyrk, frítt í sund og víða er mötuneyti. Kópavogsbær hefur það að leiðarljósi að vera eftirsóknarverður vinnustaður sem styður við heilsu, öryggi og vellíðan starfsfólks. Lögð er áhersla á að taka vel á móti starfsfólki og veita því markvissa þjálfun þannig að það nái góðum tökum á starfinu og líði vel í vinnunni. Mikil áhersla er lögð á gott samstarf þvert á deildir og svið bæjarins, því saman myndar starfsfólk sterka heild þar sem markmiðið er að fjölbreytt þekking, hæfni og reynsla nýtist sem best. Kópavogsbær vill fá til liðs við sig öflugt og metnaðarfullt fólk sem er tilbúið að gera góðan bæ enn betri.

Vinnustaðurinn

Laugarvörður - Kópavogslaug

Laugarvörður - Kópavogsluag - Hlutastarf

Laust er til umsóknar 76% starf við laugarvörslu, þrif og baðvörslu í búniningsklefum karla og í móttöku sundlaugarinnar. Unnið er á vöktum. Á hverjum fjórum vikum eru fjórar kvöldvaktir (ein á fimmtudegi og þrjár á föstudegi) klukkan 14:05 - 22:30 og þrjár morgunvaktir (allar á mánudegi) klukkan 06:15 – 14:15. Þá eru tvær helgarvaktir (laugardagur og sunnudagur) klukkan 07:45 – 18:30 (07:45 - 20:30 milli 1. maí og 30. september), á hverjum fjórum vikum eða aðra hverja helgi .

Kópavogslaug er staðsett í vesturbæ Kópavogs, stutt frá Hamraborginni og er einn stærsti sundstaður landsins. Þar eru sundlaugar úti og inni, ásamt heitum pottum, köldum potti, gufubaði og rennibrautum. Hjá lauginni starfa á fjórða tug manna við þjónustustörf og öryggisgæslu.

Ráðningartími og starfshlutfall

Umsækjendur þurfa að geta hafið störf sem fyrst.
Starfshlutfall er 76%.
Um framtíðarstarf er að ræða.

Menntunar- og hæfniskröfur

Allgóð sundkunnátta áskilin. Umsækjendur þurfa að standast sundpróf svipað og tekið er í 10. bekk grunnskóla.
Umsækjendur þurfa að hafa náð 20 ára aldri og vera reglusamir, samviskusamir, vinnusamir, þjónustulundaðir og góðir í samskiptum.
Umsækjendur þurfa að geta unnið í búningsklefum karla.
Starfið hentar ekki síður þeim sem eru komnir á og yfir miðjan aldur en þeim sem yngri eru.
Starfið krefst allgóðrar íslenskukunnáttu.

Helstu verkefni og ábyrgð

Skipta má störfum starfsmanna sundlaugarinnar í þrjú svið,

ÖRYGGI, ÞRIF og ÞJÓNUSTU.

Starfið fer fram á einhverjum af þessu starfsstöðum:

Við laugar, laugarvarsla sem felst í öryggiseftirliti og þrifum við laugar bæði úti og inni.

Í búningsklefum. Baðvarsla sem einkum er fólgin í þrifum í bað- og búningsklefum auk öryggisgæslu á þeim stöðum.

Í afgreiðslu þar sem sala í laug og á ýmsum vörum fer fram, símsvörun, upplýsingagjöf, þrif og öryggiseftirlit.

Frekari upplýsingar

Mikilvægt er að upplýsingar um meðmælendur fylgi umsókn.

Starfsmenn fá námskeið í fyrstu hjálp, björgun og fleiru.

Ráðið verður í stöðuna sem fyrst.

Launakjör samkvæmt kjarasamningi Kópavogsbæjar og Starfsmannafélags Kópavogs.