Sölu-og þjónusturáðgjafi í verslun-Fullt starf

Ertu snjöll sölumanneskja með framúrskarandi þjónustulund? Þá gæti starf sölu- og þjónusturáðgjafa í verslun Sýnar verið rétta starfið fyrir þig. Í verslunum Sýnar kynnum við glæsilegt vöruúrval okkar fyrir viðskiptavinum, hjálpum þeim að velja vörur sem henta og aðstoðum við notkun. Sölu- og þjónusturáðgjafar eru með mikið keppnisskap, hafa brennandi áhuga á tækni og nýjungum og eru ávallt viðbúnir að leita að bestu lausnunum fyrir hvern viðskiptavin. Unnið er á tvískiptum vöktum, aðra vikuna frá 9-17 og hina vikuna 10-18, auk þess er unnið fimmta hvern laugardag.

Við erum að leita að hressu og skemmtilegu fólki í fullt starf til framtíðar í verslun okkar á Suðurlandsbraut.

Menntunar- og hæfniskröfur:

• Framúrskarandi þjónustulund
• Ánægja af sölumennsku
• Snyrtimennska og fáguð framkoma
• Góð ensku- og tölvukunnátta
• Góð íslenskukunnátta skilyrði
• Metnaður og frumkvæði
• Stúdentspróf eða sambærileg menntun æskileg

Hvað höfum við að bjóða þér?

• Frábæra vinnufélaga
• Framúrskarandi vinnuaðstöðu
• Spennandi verkefni
• Sveigjanlegt og fjölskylduvænt vinnuumhverfi
• Möguleika á starfsþróun
• Mötuneyti á heimsmælikvarða
• Internet- og farsímaáskrift auk sérkjara af sjónvarpsþjónustu
• Árlegan heilsustyrk
• Árlegan símtækjastyrk
• Samgöngustyrk fyrir þá sem nýta sér vistvæna ferðamáta til og frá vinnu
• Öflugt starfsmannafélag og frábæra vinnustaðamenningu

Umsóknarfrestur er til og með 24. september nk. Við hvetjum fólk af öllum kynjum til að sækja um.

Einungis er tekið á móti umsóknum í gegnum ráðningarvefinn okkar, radningar.syn.is

Hver erum við?

Sýn er leiðandi afl á sviði fjarskipta og fjölmiðlunar á Íslandi. Hjá Sýn sameinum við það besta úr heimi tækni og afþreyingar og breytum hversdagsleikanum í upplifun. Það er betra að vera með Sýn – hvort sem þú ert að horfa, hlusta, vafra eða vinna.

Hjá Sýn leggjum við áherslu á að starfsfólk upplifi vellíðan í vinnu. Það gerum við með því að búa starfsfólki framúrskarandi vinnuaðstöðu, huga að líkamlegri og andlegri heilsu þess og gefa því möguleika á sveigjanleika í vinnu. Við viljum að fólki líði vel í vinnunni, upplifi sig sem hluta af sterkri liðsheild, fái útrás fyrir sköpunarþörf sína og tækifæri til að takast á við verkefni þar sem styrkleikar þeirra fá helst notið sín. Sýn vill þannig stuðla að jákvæðri sjálfsmynd og góðu sjálfstrausti starfsfólks og að starfsfólk sýni frumkvæði í starfi. Við trúum því að fyrirtækinu gangi best þegar starfsfólkið er upp á sitt BESTA.