Læknanemar- sumarstarf í heimahjúkrun

Viltu öðlast klíníska reynslu, efla þína faglegu getu og taka þátt í þjónustu sem styður íbúa borgarinnar dag hvern? Heimahjúkrun Reykjavíkurborgar leitar að læknanemum sem hafa lokið 1.–3. ári í fjölbreytt og lærdómsríkt sumarstarf þar sem fagmennska og persónuleg nálgun skipta höfuðmáli.

Hjá Reykjavíkurborg færðu að vera hluti af öflugu teymi. Við leggjum áherslu á sterkt bakland, góða leiðsögn og faglegan stuðning svo þú getir vaxið í starfi.

Starfið gefur þér tækifæri til þess að öðlast færni í heildrænni nálgun í umönnun, setja þekkingu þína í samhengi og efla klínískar færni sem mun nýtast þér áfram í námi og starfi.

Dagarnir eru fjölbreyttir og innihaldsríkir þar sem þú ferðast milli heimila íbúa borgarinnar. Þú kynnist ólíkum einstaklingum og sérð beint hvaða áhrif nærvera þín og stuðningur geta haft.

Starfsfólk keyrir á bíl á vegum Reykjavíkurborgar á vinnutíma. Oft er hægt að starfa í nálægð við eigið hverfi. Við erum með sterk teymi um alla borg.

Starfshlutfall getur verið samkvæmt samkomulagi.

Um er að ræða vaktavinnu, dag-, kvöld- og helgarvaktir.

Laun eru samkvæmt kjarasamningi Reykjavíkurborgar og Sameyki.