Framkvæmdastjóri Íslandssjóða hf.

Íslandssjóðir hf. leita að framkvæmdastjóra til að leiða eitt stærsta og öflugasta sjóða- og eignastýringarfyrirtæki landsins og móta næsta kafla í sögu félagsins. Íslandssjóðir standa á sterkum grunni og hafa markað sér leiðandi stöðu á íslenskum fjármálamarkaði.

Framundan eru fjölbreytt tækifæri til að efla samkeppnisstöðu félagsins, þróa nýjar fjárfestingalausnir, styrkja tengsl við fjárfesta og skapa áfram framúrskarandi langtímaárangur fyrir viðskiptavini.

Við leitum að leiðtoga sem getur sameinað skýra framtíðarsýn, öfluga framkvæmdagetu og faglegt innsæi á mörkuðum sem taka stöðugum breytingum.